היינט י"ב אייר איז אפגעהאלטן געווארן די וואלן אינערהאלב די קהילה קדושה אגודת אחים אין שטאט ציריך אין שווייץ, שטייענדיג נאנט צו פינף יאר זינט די פטירה פונעם פריערדיגן רב הגה"צ ר' שאול ברייש זצ"ל בעל שאילת שאול, נאך וואס עס איז געווען פארשידענע קלערונגען איבער א ממלא מקום, צו בנו הגדול פונעם רב זצ"ל הגה"צ ר' אהרן ברייש שליט"א ראה"כ חלקת יעקב אין בני ברק, אדער דער איידעם פונעם רב זצ"ל הגה"צ ר' צבי אלימלך פאדווא שליט"א.
אין די היינטיגע וואלן איז אויפגענומען געווארן הגה"צ ר' צבי אלימלך פאדווא שליט"א אלס רב ואב"ד אין קהל אגודת אחים, ער איז א זון פון הגה"צ גאב"ד לאנדאן שליט"א בעל מח"ס שו"ת מנחת אפרים, און צענדליגע יארן דינט ער שוין אלס דיין און מורה צדק אין די קהילה אין שווייץ, שטייענדיג לימין קדשו פון זיין גרויסן שווער דער ציריך'ער רב זצ"ל.
