אין די לעצטע טעג זענען מערערע היטן, קאפלעך און שטריימלעך אראפגעווארפן געווארן פון היימישע אידן אין בארא פארק, דורך צוויי יוגנטליכע וועלכע זענען ארומגעפארן מיט א סקוטער און געווארפן איינס נאכן צווייטען.
די פאליציי און וואלונטירן האבן בליץ שנעל אינטערגענומען א זיכעריי נאך די צוויי פארשוינען, זיי צו כאפן און ברענגען אן ענדע צו זייער מעשים לא טובים.
נעכטן נאכמיטאג האט פאליציי, מיט די הילף פון שמירה, וועלכע זענען נאכגעגאנגען די פארשוינען דורך זיכערהייט קאמעראס, געכאפט די געזוכטע און מיט דעם האפענטליך ברענגען א שנעלע ענדע צו דעם פרישע 'טרענד'.
