א געוואגטע רויבעריי איז דורכגעפירט געווארן די נאכט אין ביהמ"ד הגדול דקהל תורת חיים וויזניץ אין בארא פארק, ביים ווינקל פון די דריי און פופציגסטע סטריט און נוא יוטרעקט.
ארום צוויי דרייסיג ביינאכט האט א פארמאסקירטער פארשוין זיך איינגעבראכן אין ביהמ"ד און ארומגעגאנגען אויף אלע שטאקן און אלע צימערן, דערנאך האט ער זיך איינגעבראכן אינעם פריוואטע צימער פון כ"ק אדמו"ר מוויזניץ שליט"א, וואו ער האט געזוכט פאר ווערדפולע זאכן און געלט.
דער רויבער האט אויסגעליידיגט די צדקה פושקע אויפן רבינ'ס טיש און אנטלאפן פון דארט מיט קעש. די לאקאלע פאליציי און חברה שומרים האבן געעפנט א אויספארשונג און זוכן די פארברעכער. שומרים האט פאבליצירט די ווידעא סורוועלענס און רופן פאר הילף צו כאפן דעם רויבער.
