אידישע קינדער שוחרי תורה ואוהבי תורה נעמען אויף מיט פרייד די ערשיינונג פון די נייע ספר "משנת נבונים", די נייע באנד פונעם ספר חלק ב', געווידמעט אויף פרקי אבות פרק ג' און ד', און פארמאגן א זעלטן רייכע אוצר פון דברי תורה וחסידות.
די נייע ספר איז נאך א רינגעלע אינעם רייכן קייט פון ספרי קודש וואס ווערט ארויסגעגעבן דורך איינער פון די גרעסטע פוסקים און גאוני דורינו, הגה"צ המפורסם רבי נחמן יחיאל מיכל שטיינמעטץ שליט"א דומ"ץ סקווירא ב"פ, ומח"ס שו"ת משיב נבונים פילע בענדער, ספרי באר נבונים על התורה, און נאך פילע ספרים אויף פארשידענע מקצועות התורה והלכה.
א שטיק צייט איז ערשינען די ערשטע באנד פונעם ספר "משנת נבונים" אויף פרקי אבות, געווידמעט אויף די ערשטע צוויי פרקים, און אצינד ערשיינט לאור עולם דעם הערליכן ספר די צווייטע באנד, אויף די קומענדיגע צוויי פרקים אין פרקי אבות, פרק ג' און ד', און עס איז צום באקומען אין אלע ספרים געשעפטן.
