די התרגשות ביי אמעריקאנער אידן שטייגט ווידעראמאל העכער, ווען צום מסע גדולי עולם התורה שליסן זיך אן נאך און נאך גדולי ומאורי הדור, וואס באדייט אז עס קומט א היסטארישע וואך אויף יהדות ניו יארק און ניו דזשערזי, היסטארישע טעג וואס די אמעריקאנער אידנטום האט שוין לאנג נישט מיטגעלעבט.
היינט ווערט באקאנט אז אויך כ"ק אדמו"ר מגור שליט"א וועט זיך אנשליסן אין די היסטארישע נסיעה, און וועט אנקומען צוגאסט קיין ניו יארק דעם קומענדיגן פרשת שלח הבעל"ט, לפאר ולרומם ביי די רייכע מסיבות און היסטארישע מעמדים אויפצוטרייבן מיליאנען דאללארן לטובת די קרן עולם התורה, צו פינאנצירן די ישיבות און כוללים בארץ הקודש.
די גענויע דעטאלן ארום די היסטארישע מסע הקודש איז נאכנישט קלאר, די אפיציעלע טאג ווען די גדולי הדור קומען צו פארן איז זונטאג פרשת שלח, אבער מער פרטים איז נאכנישט געמאלדן געווארן, ווען צום מסע הקודש קומען צו פארן א צאל גדולי הדור פון די ליטווישע קרייזן זקני ראשי הישיבות, און אויפן חסידישן פראנט האלט עס ביי כ"ק מרנן האדמורי"ם מגור, צאנז, און ראחמיסטריווקא שליט"א.
