היימישע אידן אין אמעריקא האבן נארוואס אויפגענומען די פרישע נייעס יוצא מבית המשפיע, אז דער בארימטע מלהיב לבבות ישראל, הגה"צ רבי צבי מאיר זילבערבערג שליט"א ראש חבורת נחלת יעקב וועט אינטערנעמען א מסע הקודש קיין אמעריקא לטובת די הייליגע מוסדות נחלת יעקב, מיסודו ובנשיאתו פונעם חשובע'ן משפיע שליט"א.
די הויכפונקט פונעם נסיעה וועט זיין די מעמד קדוש ואדיר 'כולנו שותפים', וואס וועט פארקומען אינעם הערליכע מאיסטעטישע 'ראבערט-טרי' האטעל אין נוארק ניו דזשערסי, א גוטע לאקאציע צווישען אלע היימישע געגענטער אין ניו יארק והגלילות.
די עסקנים, בראש פון העסקן ר' יעקב יוסף בערגער פון די באקאנטע 'טריפל בי' קארדענעישענס פירמע, ארבעטן אריין טעג און נעכט און גייען איבער אלע פרטי פרטים פון די גרויסע ערשטמאליגע מעמד און נסיעה לטובת די הייליגע מוסדות המנוסס לשם ולתפארת.
גדול יהיה כבוד המעמד הזה להרמת קרן התורה והחסידות.
