אין בעפארברייטונג צו די היסטארישע נסיעה פון די גדולי הדור בארץ הקודש לטובת קרן עולם התורה, איז מרן ראש הישיבה הגאון הגדול רבי משה הלל הירש שליט"א ראש ישיבת סלאבאדקע ארויסגעפארן עטליכע טעג פריער קיין אמעריקע, מיטן ציהל אויפצוטרייבן גרויסע געלטער לטובת די סלאבאדקע ישיבה בארץ הקודש.
היינט מיטוואך איז דער ראש ישיבה אנגעקומען אויף א געהויבענע באזוך אין שטאט דעטרויט אין מישיגען, וואו עס איז פארהאן א ריזן ציבור בני תורה פון די ליטווישע קרייזן. דער ראש ישיבה איז געפארן מיט א פריוואטע פליגער, און טוט אצינד משפיע זיין פאר די תושבי העיר פון זיין רייכן תורה קוואל.
דריי דרייסיג נאכמיטאג וועט דער ראש ישיבה אויפטרעטן מיט א שיעור כללי אין די בערלינע בית המדרש ישיבה בית יהודה אין סאוטפיעלד, און שפעטער זיבן דרייסיג ביינאכט וועט דער ראש ישיבה איבערגעבן א חיזוק שמועס פאר כלל תושבי דעטרויט.
