א שוידערליכע עקסידענט האט פאסירט היינט ביינאכט אין די מאונטעינדעיל געגנט אין די קאנטרי בערג, וואו א אידישע קאר האט זיך איבערגעדרייט און אריינגעפאלן צו די זייט פון די ראוד, און נאכדעם ארויף אין העלישע פלאמען פון וואס צוויי אידן זענען ל"ע טראגיש אומגעקומען רח"ל.
די עקסידענט האט פאסירט אויף טשורטש ראוד נישט ווייט פון וואודרידזש, וואו עס איז שארף געדרייט די ראוד מיט א טיפע טאל דערנעבן. עמערדזשענסי אגענטורן זענען אנגעקומען אויפן סצענע און געארבעט צו באפרייען פארכאפטע פון די ברענענדיגע קאר, ליידער איז באשטעטיגט געווארן אז צוויי אידן זענען רח"ל טראגיש אוועקגעריסן געווארן אין די עקסידענט פייער, און וואלאונטירן פון חסד של אמת געפונען זיך אויפן סצענע זיך אפצוגעבן בכבוד המתים.
יה"ר שנשמע ונתבשר בשורות טובות.
