היינט דינסטאג האט די בג"ץ די העכסטע געריכט אין מדינת ישראל ארויסגעגעבן זייער ענדגילטיגע אורטייל, וואס פארפליכטעט די ארטיגע רעגירונג צו אריינשלעפן אלע חרדישע אידן אין מיליטער, און בני ישיבות זענען נישט ערלויבט צו באקומען א פטור אזוי ווי איינגעפירט ביז היינט.
דאס קומט נאך לענגערע וואכן וואס די דאזיגע געזעץ ווערט פארגעזאגט דורך די ארטיגע ריכטער, אז די רעגירונג וועט מוזן אויפהערן צושטעלן געלטער פאר די ישיבות און כוללים, ביי וועלכע די אינגעלייט און בחורים שטעלן זיך נישט אין מיליטער, אין א פרואוו צו צווינגען יעדן איינעם אריינצוקומען אין מיליטער.
גדולי הדור האבן שוין געזאגט די קלארע דעת תורה צו גיין ביז מסירת נפש, און טאקע דערפאר געפונען זיך אצינד פילע גדולי הדור אויף א מסע הצלה אין אמעריקע, צוצושטעלן שטיצע פאר די ריזן לאך וואס האט זיך געשאפן אין די בודזשעט פון די ישיבות און כוללים בארצינו הקדושה אין ליכט פון דעם טרויעריגן געזעץ.
די געזעץ איז געווארן אויסגעפירט דורך די העכסטע געריכט אין מדינת ישראל, אבער די עקזיסטירנדע רעגירונג איז נישט אזוי איינשטימיג דערצו, און וועט ווארשיינליך אריבערגיין א אויפשאקלונג אין די קומענדיגע תקופה.
