א שטאב פון משגיחי כשרות אונטער די פירערשאפט פון הגה"צ ר' הלל וויינבערגער שליט"א אבד"ק סערדאהעלי, זענען נעכטן אנגעקומען צום ווייטן כינע צו געבן די השגחה און בודק זיין צענדליגע קוואנטומען פון פרישע פרוכט און גרינצייג, פאר די באקאנטע Pardes פירמע, און די Kosher Taste פארפרוירענע גרינצייג.
ווי יאר יערליך איז די גאנצע שטאב אראפגעפארן קיין כינע, אין די יעצטיגע סעזאן ווען עס ווערט געשניטן גאר זאפטיגע און געשמאקע פרוכט און גרינצייג, הויכע קוואליטעט געצייטיגט אונטער די שיין פון די זון, און אלעס וואס מאכט אז די פראדוקטן זאלן זיין פיין פריש, גרייט צו ווערן פארפרוירן און אפגעליפערט קיין אמעריקע און פיל אנדערע לענדער.
די רבנים המשגיחים האבן דורכגעקוקט די אלע פרוכט און גרינצייג, און זיכער געמאכט אז עס פארמאגט נישט קיין אומגעוואונטשענע געסט, און פארפעסטיגטקייט וואס קען אויפעסן די פראדוקטן.
