פילע אידן זענען אפעקטירט געווארן פון די נעכטיגע רעגן שטורעם וואס האט אדורכגעריסן די טריי סטעיט ראיאן אין די שפעטע נאכמיטאג שעה'ן, א גרויסע קוואנטום רעגן איז אראפגעקומען אין א קורצע צייט אפשניט, און פארפלייצט גאסן און הייזער, און געשטראנדעט אסאך קארס.
אין שיכון סקווירא איז באריכטעט געווארן עטליכע פארפלייצטע גאסן, ליידער זענען אויך אידישע דירות פארשוועמט געווארן מיט וואסער, איבערהויפט אין בעיסמענט דירות וואו די איינוואוינער זענען געווען געצווינגען איבערצולאזן זייערע דירות אין א שרעקליכע צושטאנד. ערשטע הילף און עמערדזשענסי וואלאונטירן האבן געארבעט פאר לאנגע שעות ארויסצופאמפן וואסער און שענקן קריטיש וויכטיגע הילף פאר די באטראפענע.
אין מאנסי און אין קרית יואל זענען עטליכע פארנומענע גאסן געקומען צו א האסטיגן אפשטעל צוליב די הויכע וואסערן, חברים איז געווען פארנומען ארויסצוראטעווען געשטראנדעטע פאסאדזשירן, אין צוגאב צו געפאלענע ביימער וואס האט אויך נישט פארבעסערט די צושטאנד.
