די פארגאנגענע ימים טובים אינעם בארא פארק צענטער זענען געווען גאר דערהויבן און באטעמ׳ט. אנגעהויבן פון די טעגליכע אלול שיעורים, תשליך אויספלוג מיטן בארימטן זינגער ר׳ וואלווי טויבער וועלכער האט בעאיינפלוסט דעם עולם מיט רייכע נגינה, כפרות אויפן ארט, און אזוי ווייטער.
ראש השנה און יום הקדוש זענען געפראוועט געווארן אינאיינעם. דער בעל תפילה איז געווען הרב ווייספעלד, און מוסף האט געפירט הרב מאנדלבוים.
סוכות איז אוועקגעשטעלט געווארן א הערליכע רחבות׳דיגע סוכה, און חוה״מ זענען פארגעקומען געשמאקע אויספלוגן און אונטערהאלטונג. א פעטינג זו, א קאנצערט דורך דוד פליישמאן און יאסי איידעליס, אינאיינעם מיט די טאנצערס און קונצן מאכער, וועלכע האבן אריינגעברענגט א שמחת יו״ט.
שמחת תורה איז געווען אומפארגעסליך. הרב ווייספעלד האט געפירט די הקפות, און יעדער איינער, אויך די באגרעניצטע, האבן געהאט די געלעגנהייט צו טאנצן און זיך פרייען מיט די תורה. די הייליגע טעג האבן איבערגעלאזט א רושם אויף יעדן איינעם
