היינט דינסטאג פארמיטאג איז אין שטאט יהוד, הארט נעבן די שטאט בני ברק, פארגעקומען א ריזן 'עצרת זעקה גדולה' בראשות גדולי ישראל ובהשתתפות פון הונדערטער אידן וועלכע זענען ע"פ קריאת הרבנים ארויסגעקומען מוחה זיין אויף חילול קברי הקדמונים.
די עצרת קומט נאכדעם וואס עס איז נתפרסם געווארן אז א ריזן פראיעקט ווערט געפלאנט אויפן שטח פון קברי ישראל, נאך פון אזוי פרי מזמן בית שני לויט געוויסע מקורות, און טראץ אלע פראוון וואס 'אתרא קדישא' און רבנים ועסקנים וואס זענען געפאלן אויף טויבע אויערן, האט זיך די ארבעט אנגעהויבן ווען די פאליציי האט באוואכט דאס פלאץ בשעת ארבעטער גראבן אויף רח"ל עצמות קדושות און פירן זיי אוועק פאר שטודירן אד"ג, השם ירחם.
די עצרת איז פארגעקומען דארט במקום החילול אין יהוד, בראשות הגה"צ רבי יעקב מאיר שעכטער שליט"א האדמורי"ם מקהל חסידי ירושלים, בוהוש, הגה"צ רבי שמואל משה קרעמער שליט"א און הגה"צ אבד"ק סאטמאר ירושלים שליט"א. הונדעטער אידן האבן זיך ממשתתף געווען אויסצושרייען דאס וויי געשריי פונעם יהדות החרדית אויף די מעשים לא טובים און אינאיינעם מתפלל זיין אז דאס גזירה על המתים זאל בטל ווערן במהרה.
