פארגאנגענעם שבת קודש פרשת בהעלותך איז כ"ק אדמו"ר מגור שליט"א געווען צוגאסט אין שטאט מאנסי, אין שטוב פונעם לעגענדארן עסקן און נגיד מפורסם בחצר הקודש גור, הנגיד החסיד ר' מאיר פריי הי"ו. דערביי האבן געהאט די זכיה די גרעסערע עשירים צו מיטהאלטן דעם שבת, אלע וואס האבן זיך אנגעשלאסן מיטן סכום אדיר פון א פערטל מיליאן דאללער, צו האבן די זכיה להסב על שולחן מלכים.
צו דעם שבת זענען אויך געקומען צו פארן פילע נדיבי לב פון אנדערע שטעט און לענדער, אריינגערעכנט אייראפע און ארץ ישראל, גערער גבירים וואס האבן נישט געוואלט פארפאסן אזא זעלטענע שבת ווען מ'איז זוכה צו פארברענגען אינאיינעם מיטן רבי'ן אויף א פריוואטע פארנעם כשהמלך בשדה.
