היינט ביינאכט אין ארץ ישראל האט כ"ק אדמו"ר מתולדות אברהם יצחק שליט"א אפגעראכטן א מסיבת לחיים אין ביהמ"ד הגדול תולדות אברהם יצחק אין ירושלים עיה"ק, לרגל די שמחת החתונה פון א אייניקל וואס קומט פאר היינט נאכט אין אמעריקע, און צוליב דעם רבינ'ס שוואכע געזונט צושטאנד און די אנגייענדע מצב המלחמה, האט דער רבי נישט געקענט ארויספארן קיין אמעריקע באשיינען די שמחה פערזענליך.
די כלה איז א טאכטער פונעם רבינ'ס איידעם הגה"צ ר' לייבוש טייטלבוים זצ"ל הי"ד, זון פון הגה"צ אבד"ק וואלאווע שליט"א. די חתן איז א זון פון הגה"צ ר' מאיר גרינוואלד שליט"א דומ"ץ פאפא, בנו הגדול פון כ"ק אדמו"ר מפאפא שליט"א. די חתונה קומט פאר היינט מיטוואך אין ביהמ"ד הגדול פאפא אין וויליאמסבורג.
