מיט גרויס צער איז אנגעקומען די שווערע בשורה איבער די פטירה בשיבה טובה פון הרבנית שרה שלעזינגער ע"ה, אשת חבר הרה"ג ר' שמואל עקיבא יפה שלעזינגער שליט"א גאב"ד קהילת החרדית אין שטראסבורג אין פראנקרייך, אין עלטער פון ניינציג יאר איבערלאזנדיג א הערליכע דור.
די רעבעצין ע"ה איז געווען א טאכטער פון הגאון ר' חיים צבי קריגער זצ"ל אב"ד בריסל, העכער זעכציג יאר איז זי געשטאנען צו די רעכטע האנט פון איר גרויסער מאן דער שטראסבורגער רב שליט"א, מיט זיינע פילע פעולות צדקה וחסד, און פארשפרייטן תורה והוראה אינעם ווייטן פראנקרייך רבות בשנים.
די רעבעצין לאזט איבער איר גרויסער מאן דער רב שליט"א, וועלכער וואוינט היינט אין ירושלים נעבן די קינדער. די זיהן זענען הרה"ג ר' ישראל דוד שלעזינגער שליט"א מגדולי משפיעי דורינו ורב ביהמ"ד שערי תפילה אין מאנסי, הרה"ג ר' יהושע אלעזר שלעזינגער שליט"א אב"ד בית אברהם, איין איידעם איז הרב ישראל שלמה חיים שארף שליט"א יו"ר מכון שיח אבירים, און אייניקל פון כ"ק אדמו"ר מסאדיגורא זצ"ל.
די לוויה קומט פאר יעצט ביינאכט אין ארץ ישראל, פון איר שטוב אויף רחוב סורוצקין 19, אויפן וועג צום הר המנוחות וואו זי וועט קומען לקבורה.
