כ"ק אדמו"ר מצאנז שליט"א פון בארא פארק איז ערווארטעט אריבערצוגיין מארגן א קאמפליצירטע אפעראציע אין שפיטאל, און כלל ישראל ווערט געבעטן צו דאווענען לרפואתו און מעורר זיין רחמי שמים.
דער רבי שליט"א איז ליידער דיאגנאזירט געווארן מיט די ביטערע מחלה ה"י א שטיק צייט צוריק, און איז שוין אפגעשוואכט א לאנגע צייט, ביז יעצט ווען די דאקטוירים האבן באשלאסן צו אפערירן דעם רבי'ן מיטן האפענונג צו היילן דעם רבי'ן אויפן לענגערן טערמין, מארגן מיטוואך וועלן פילע אידן מתפלל זיין לרפואתו אין די צייט וואס דער רבי וועט זיך געפונען אין שפיטאל פאר די אפעראציע, כ"ק הרה"צ רבי ברוך בן מלכה לרפואה שלימה.
אין בית המדרש צאנז אויף די פיר און פערציגסטע סטריט אין בארא פארק, וועט מארגן 9:45 אינדערפרי פארקומען א עצרת תפילה אמרית תהלים ברוב עם לרפואתו השלימה פונעם רבי'ן.
