היינט קומט פאר אין אנטווערפן די גרויסע מעמד קשר נצחי פאר חסידי וויזניץ, סיום סדר נזיקין והתחלת הש"ס במסגרת הלימוד מאמר מרדכי, עס קומט פאר אין די נייע עמפייער זאל אין שטאט, אין שפיץ פון כ"ק אדמו"ר מוויזניץ שליט"א פון לאנדאן וועלכער איז צוגאסט די טעג אין אנטווערפן.
שמחת בית תולדות משה: היינט קומט פאר די שמחת החתונה פון החתן הרב שאול יחזקאל גראס נ"י, זון פון כ"ק אדמו"ר מתולדות משה שליט"א, מיט די כלה א טאכטער פון הגה"ח ר' אלימלך גוטפריינד. - די שמחת החתונה קומט פאר אין די פראכטפולע 'וואגשאהל' זאלן אין בני ברק.
היינט קומט פאר די שמחת החתונה פונעם חתן א זון פון הרב שמחה בונם רוקח שליט"א, זון פון כ"ק אדמו"ר מקאזלאוו זצ"ל, און איידעם ביי כ"ק אדמו"ר מדברי אמונה זצ"ל, מיט די כלה א טאכטער פון הרב יוסף יוזפא שטיינמעטץ שליט"א, איידעם ביי הגה"צ ר' אפרים אהרן שטיין שליט"א אב"ד פאלטישאן. – די שמחת החתונה קומט פאר אין ווילחאוויץ זאל אין מאנסי.
היינט קומט פאר די שמחת החתונה פונעם חתן א זון פון הרב שמואל טענענבוים שליט"א, זון פון הגה"צ אבד"ק מילדוי שליט"א, און איידעם ביי הגה"צ ר' יוסף דוד הירש שליט"א מבאדאישל, מיט די כלה א טאכטער פון הרב אליעזר יודא כ"ץ שליט"א, זון פון הגה"צ ר' מנשה כ"ץ שליט"א אבד"ק פריימאן. – די שמחת החתונה קומט פאר אין זאל פרדס פיגא אין וויליאמסבורג.
כ"ק אדמו"ר מוויזניץ שליט"א פון בית שמש וועלכער האט געוויילט די לעצטע פאר טעג אין ניו יארק אויף ניחום אבלים ביי אחיו הגדול כ"ק אדמו"ר מוויזניץ שליט"א פון מאנסי, און באשיינט די שמחת החתונה ביי אחיו הגדול כ"ק אדמו"ר מוויזניץ שליט"א פון מאנטריאל, קערט זיך היינט צוריק למעון קדשו אין בית שמש.
כ"ק אדמו"ר מסאסוב שליט"א וועלכער איז אנגעקומען צוגאסט קיין ניו יארק לטובת מוסדותיו הקדושים, וועט היינט דורכן טאג אנקומען קיין וויליאמסבורג, און ארויפגיין לבתי נגידים ושועים לטובת די מוסדות.
הגה"צ רבי שמואל יהודה זילבער שליט"א אבד"ק אמונת ישראל, לאזט זיך היינט ארויס אויף א ערשטמאליגע באזוך פון צוויי וואכן קיין ארץ ישראל מחזק צו זיין קהל עדת חסידיו ומעריציו.
היינט נאכט י"ז טבת געפאלט די יומא דהילולא קדישא פון כ"ק אדמו"ר רבי ישראל דוד משאץ שענדישוב זצ"ל, נכדו כ"ק אדמו"ר משענדישוב שליט"א וועט ארויפגיין צום ציון הק' אין לאנג איילענד היינט נאכמיטאג, און שפעטער ביינאכט אפרעכטן די יארצייט טיש בבית מדרשו אין פלעטבוש.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד ערבי נחל אין סטעטן איילענד, נדבת דער רב הביהמ"ד הרה"ג ר' אשר זעליג מיללער שליט"א, לזכר נשמת אביו הגה"צ אבד"ק חאמעלניק זצ"ל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
