עת צרה היא ליעקב:
על פי קריאת הקודש פון מרנן ורבנן שרי התורה חברי ביד"ץ העדה החרדית, איז היינט כ' סיון באשטימט אלס א יום סליחה ותחנונים, אין וואס כלל ישראל וועט אויסנוצן דעם טאג, איינצורייסן וועלטן און מעורר זיין רחמי שמים אין ליכט פון די שרעקליכע מצב המלחמה וואס הערשט אין ארץ ישראל, אין אלע בתי מדרשים און היכלי הישיבות און מוסדות התורה, וועט מען זאגן ספר רביעי שבתהלים און די יהי רצון דערנאך, סליחות ישראל נושע בה' און די תפילה פון שמע קולנו, און מעורר זיין בתפילה ובתחנונים אז מען זאל שוין נאר הערן גוטע בשורות.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול אין קרית וויזניץ בני ברק, לע"נ האברך החשוב ר' ישראל נח וויזל ע"ה.
היינט קומט פאר די לעצטע שמחת השבע ברכות פון די כלה א טאכטער ביי כ"ק אדמו"ר מצאנז זוועהיל שליט"א, איידעם ביי כ"ק אדמו"ר הרה"ק בעל שפע חיים מצאנז קלויזענבורג זי"ע, מיטן חתן א זון פון הרב יצחק יוסף שליסל שליט"א, אייניקל פון הגה"צ גאב"ד לינז זצ"ל. – די שמחה קומט פאר אין פאסעיק ניו דזשערזי, געאייגענט פאר די איינגעשטעלטע און עסקני המוסדות.
עס איז געשלאסן געווארן די שידוך פון א אייניקל ביי כ"ק אדמו"ר מבלאזוב שליט"א, די חתן א זון פון זיין איידעם הרב ברוך בענדיט טווערסקי שליט"א, זון פון הרב יצחק מאיר טווערסקי שליט"א מהארנסטייפל, מיט די כלה א טאכטער פון הרב יעקב יוסף ראבינאוויטש שליט"א, זון פון כ"ק אדמו"ר מביאלא לאנדאן שליט"א, און איידעם ביי הגה"צ ר' שלמה גאלדמאן שליט"א מזוועהיל ב"פ.
היינט קומט פאר די שמחת הבר מצוה פון א אייניקל ביי כ"ק אדמו"ר משענדישוב שליט"א, א זון פון זיין זון הרב דוד משה הורוויץ שליט"א, איידעם ביי כ"ק אדמו"ר משומרי אמונים שליט"א פון ירושלים, איידעם ביי כ"ק אדמו"ר מהאלמין שליט"א. – די שמחה קומט פאר אין לינדען ניו דזשערזי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
