שמחת בית סאטמאר: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין עלטסטן איידעם הגה"צ ר' העניך אשכנזי שליט"א רב ביהמ"ד אבני צדק אין קרית יואל, מיט די חתן א זון פון הגה"צ ר' יהושע שלום נתן רובין שליט"א אבד"ק גלאגוב, איידעם ביי כ"ק אדמו"ר מצאנז זצ"ל פון בארא פארק. – די שמחת החתונה קומט פאר אין ביהמ"ד הגדול אין קרית יואל.
היינט קומט פאר די שמחת החתונה פונעם חתן א זון פון הגה"צ ר' נפתלי הירצקא בערגער שליט"א רב דקהל יראים אין מישקאלץ אונגארן, זון פון הגה"צ אבד"ק מישקאלץ ב"פ שליט"א, און איידעם ביי הגה"צ ר' מאיר זלמן שטעג שליט"א ראה"כ תולדות אהרן מאנסי, מיט די כלה א טאכטער פון הרב יונה אונסדארפער שליט"א, זון פון הגה"צ ר' יוסף דוב אונסדארפער שליט"א אבד"ק מתיבתא ראשית חכמה מאנטריאל, און איידעם ביי הרב נפתלי חיים ליעבער שליט"א. – די שמחת החתונה קומט פאר אין זאל אור החיים וויזניץ אין בארא פארק.
כ"ק אדמו"ר מקארלין סטאלין שליט"א קומט היינט אן צום שטאט מאלינוב אין אוקראינע אינאיינעם מיט פילע חסידים, לרגל די יומא דהילולא קדישא פון זקינו הרה"ק דער הייליגער בית אהרן פון קארלין זי"ע. היינט נאכט וועט דער רבי שליט"א אפרעכטן דעם יארצייט טיש אין די נייע שוהל אינעם בנין הכנסת אורחים, און דערנאך ארויפגיין צום ציון הק' להיפקד בדבר ישועה ורחמים.
היינט נאכט י"ז סיון געפאלט די ערשטע הילולא קדישא פונעם משגיח הגאון הגדול רבי משה וואלפסאן זצ"ל אבד"ק אמונת ישראל, די צענטראלע יארצייט סעודה און סיום הש"ס קומט פאר בבית מדרשו של רבי קהל אמונת ישראל אין בארא פארק, וואו עס וועלן אויפטרעטן מיט דרשות כ"ק אדמו"ר מתולדות יהודה סטוטשין שליט"א חתנא דבי נשיאה פונעם בעל ההילולא, און נכדו הגה"צ אבד"ק אמונת ישראל שליט"א.
הגה"צ אבד"ק אמונת ישראל שליט"א זון פונעם בעל ההילולא, איז אנגעקומען צוגאסט קיין ארץ ישראל לכבוד די הילולא קדישא, היינט אויפדערנאכט וועט פארקומען די מעמד עלי' לציון אויפן אלטן בית החיים אין טבריה, און דערנאך די סעודת הילולא אין זאל אויף רחוב אהל יעקב אין קרית שמואל במעמד קהל רב.
היינט נאכט י"ז סיון געפאלט די יומא דהילולא קדישא פון הגה"ק בעל אהל משה ממאקאווא זי"ע, נכדו כ"ק גאב"ד מאקאווא שליט"א קומט אן צום שטאט מאקאווא אין אונגארן צו פוקד זיין דעם ציון הק' ווי יאר יערליך, און וועט היינט נאכט אפרעכטן די יארצייט טיש אינעם בנין הכנסת אורחים חסדי אבות אין שטאט מאקאווא.
היינט נאכט י"ז סיון געפאלט די צענטע הילולא קדישא פון כ"ק הרה"צ בעל אור שלום מוויזניץ זצ"ל, בנו ממלא מקומו כ"ק אדמו"ר מוויזניץ שליט"א פון בארא פארק וועט אפרעכטן די יארצייט טיש היינט אויפדערנאכט אין ביהמ"ד הגדול וויזניץ אין בארא פארק, און מארגן ערב שבת ארויפגיין צום ציון הק' אויפן וויזניצע בית החיים אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
