כ"ק אדמו"ר מבאבוב 45 שליט"א וועלכער איז אנגעקומען אויף א מסע הקודש קיין צאנז פוילין, אינאיינעם מיט הונדערטער חסידים פון איבער די וועלט, וועט היינט דורכ'ן טאג וויילן אין שטאט צאנז, מקום מנוחת הקודש פון זקינו הגה"ק מצאנז זי"ע בעל דברי חיים בעצם יומא דהילולא קדישא, דער רבי וועט דאווענען שחרית אין די גרויסע שוהל אין שטאט צאנז, נאכמיטאג ארויפגיין צום ציון הק' בראש קהל חסידיו, און שפעטער פארנאכטס אפרעכטן די גרויסארטיגע יארצייט טיש אינעם גרויסן שאטער נעבן די ביהמ"ד אין שטאט צאנז.
כ"ק אדמו"ר מוויזניץ שליט"א פון קייאמישע פארט היינט ארויס אויף א נסיעה קיין פוילין, אינאיינעם מיט די תלמידי ישיבה הק' אין גיבערס, כאות הוקרה פאר די הצטיינות בשעות רצופות דורכאויס די פארלאפענע יאר.
שמחת בית וויזניץ: היינט קומט פאר די שמחת האירוסין פונעם חתן א זון ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון ירושלים, א טאכטער פון זיין איידעם הגה"צ ר' יעקב דוד ראבינאוויטש שליט"א, זון פון כ"ק אדמו"ר מביאלא פשיסחא שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת הבר מצוה פון צוויי אייניקלעך ביי כ"ק אדמו"ר מוויזניץ שליט"א פון לאנדאן, אור אייניקלעך ביי כ"ק אדמו"ר מקאלוב שליט"א, א זון פון זיין זון הגה"צ ר' לוי יצחק האגער שליט"א, איידעם ביי הגה"צ אבד"ק ראחמיסטריווקא מאנסי שליט"א, און א זון ביי זיין איידעם הגה"צ ר' חיים מאיר שטערנבוך שליט"א, זון פון הגה"צ ר' ברוך שטערנבוך שליט"א אב"ד וויזניץ בראכפעלד, איידעם ביי הגה"צ ר' מנחם ארנסטר שליט"א ראש ישיבת וויזניץ. – די שמחה קומט פאר אין ביהמ"ד הגדול וויזניץ אין לאנדאן.
היינט קומט פאר די שמחת התנאים פון די חתן א זון פון כ"ק אדמו"ר מספינקא רמת אהרן שליט"א, מיט די כלה א טאכטער פון הרה"ג ר' נחמן ראזנער שליט"א אב"ד ראשית חכמה ירושלים. – די שמחה קומט פאר אין זאל היכלי הפאר אין בני ברק.
היינט כ"ה ניסן געפאלט די יומא דהילולא קדישא פון הגה"ק מצאנז זי"ע בעל דברי חיים, פילע אדמורי"ם ורבנים נכדי בעל ההילולא וועלן אפרעכטן די יארצייט טישן ברוב עם, טויזענטער אידן קומען אן צום שטאט צאנז אין פוילין צו פוקד זיין דעם ציון הק' בעצם יומא דהילולא קדישא.
כ"ק אדמו"ר מצאנז שליט"א וועט אפרעכטן די יארצייט טיש אינעם גרויסן זאל היכל ראזענבערג אין קרית צאנז נתני', אינאיינעם מיט די מעמד כבוד התורה פאר די תלמידי הישיבה וואס האבן זיך פארהערט אויף הונדערטער בלעטער גמרא. כ"ק אדמו"ר מצאנז קלויזענבורג שליט"א וועט אפרעכטן די יארצייט טיש אין ביהמ"ד הגדול צאנז קלויזענבורג אין בארא פארק.
היינט נאכט כ"ו ניסן געפאלט די יומא דהילולא קדישא פון כ"ק אדמו"ר מסאטמאר זצ"ל בעל ברך משה, אין אלע בתי מדרשים דחסידי סאטמאר אלוועלטליך וועלן פארקומען סעודות הילולא ברוב עם, חתנו כ"ק גאב"ד סאטמאר מאנסי שליט"א וועט אפרעכטן די יארצייט טיש היינט אויפדערנאכט, אינאיינעם מיט די סעודת הילולא לרגל די הילולא קדישא פון זקינו הגה"ק מצאנז זי"ע בעל דברי חיים.
צו די פטירה פון כ"ק הגה"צ גאב"ד פאלטישאן זצ"ל, זיצן שבעה די בני המשפחה, די קינדער און ברידער הרבנים הגאונים שליט"א, אין ביהמ"ד פאלטישאן אויף די ניין און פערציגסטע סטריט אין בארא פארק, ביז דעם ערב שבת קודש.
