שמחת בית וויזניץ – קאלוב: היינט קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א פון מאנסי, די חתן א זון פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל פון וויליאמסבורג, מיט די כלה א טאכטער פון הגה"צ ר' יעקב יוסף האגער שליט"א, זון פון כ"ק אדמו"ר מוויזניץ שליט"א פון לאנדאן, און איידעם ביי הגה"צ ר' ישכר דוב טויב שליט"א אבד"ק זכרון נפתלי ארי' נעשכיז וומס"ב, אור אייניקל פון כ"ק אדמו"ר מקאלוב שליט"א. – די שמחה קומט פאר אין ביהמ"ד קאלוב אין וויליאמסבורג.
היינט כ"ו ניסן געפאלט די יומא דהילולא קדישא פון כ"ק אדמו"ר מסאטמאר זצ"ל בעל ברך משה, פילע אידן גייען ארויף צום ציון הק' אויפן בית החיים אין קרית יואל להיפקד בדבר ישועה ורחמים.
בנו כ"ק אדמו"ר מסאטמאר שליט"א וועט ארויפגיין צום ציון הק' אין די פארמיטאג שעה'ן בראש קהל חסידיו, און שפעטער פארנאכטס אפרעכטן די צענטראלע יארצייט טיש און סיום הש"ס אין ביהמ"ד הגדול אין קרית יואל, אינאיינעם מיט די יערליכע דינער לטובת כולל עצי חיים אין בני ברק.
בנו כ"ק אדמו"ר מסאטמאר שליט"א וועט ארויפגיין צום ציון הק' אין די נאכמיטאג שעה'ן בראש קהל חסידיו, און שפעטער פארנאכטס אפרעכטן די צענטראלע יארצייט טיש און סיום הש"ס בהיכל ביהמ"ד הגדול היכל אלטר יחזקאל דקהל יטב לב ד'סאטמאר אין קרית יואל, אינאיינעם מיט די יערליכע דינער לטובת מוסדות יטב לב אין בני ברק.
היינט נאכט ז"ך ניסן געפאלט די יומא דהילולא קדישא פון הגה"ק מצעהלים זי"ע בעל מגדלות מרקחים, בנו חורגו ממלא מקומו כ"ק אדמו"ר מצעהלים שליט"א וועט אפרעכטן די צענטראלע יארצייט טיש אין ביהמ"ד צעהלים אין וויליאמסבורג, און מארגן ערב שבת ארויפגיין צום ציון הק' אין לאנג איילענד.
היינט קומט פאר א גרויסע כינוס "התנערי" פאר כלל חסידי טשערנאביל בארץ הקודש, לטובת די קרן הבנין פון די נייע ביהמ"ד הגדול מרכז העולמי דחסידי טשערנאביל אין בני ברק, עס קומט פאר אינעם יעצטיגן היכל בית המדרש, אין שפיץ פון כ"ק אדמו"ר מטשערנאביל שליט"א.
כ"ק אדמו"ר מסקולען שליט"א וועט היינט אויפדערנאכט אויפטרעטן מיט די דרשת פתיחת הזמן פאר די בחורי חמד, אין ביהמ"ד סקולען אין בארא פארק.
כ"ק אדמו"ר מצאנז זוועהיל שליט"א וועט היינט אויפטרעטן מיט א צענטראלע דרשה ביי א כינוס הבחורים פון די תלמידי ויוצאי הישיבה, אין ביהמ"ד הגדול צאנז זוועהיל אין יוניאן סיטי.
כ"ק אדמו"ר מסלאנים שליט"א קומט היינט אן אויף א מסע הקודש צום שטאט סלאנים אין בעלארוס, וואו דער רבי וועט פראווענען א ערשטמאליגע שבת אינאיינעם מיט פילע נגידים ותומכים, בוני ביהמ"ד הגדול סלאנים אין בני ברק.
כ"ק אדמו"ר מראחמיסטריווקא שליט"א פון ספרינג וואלי קומט היינט אן צוגאסט קיין לאנדאן, לרגל די שמחת הברית פון א אייניקל וואס קומט פאר דעם שבת קודש, די אכסניא איז אין שטוב פון הנגיד החסיד ר' דוד מרגליות הי"ו.
ניחום אבלים: צו די פטירה פון כ"ק הגה"צ גאב"ד פאלטישאן זצ"ל, זיצן שבעה די בני המשפחה, די קינדער און ברידער הרבנים הגאונים שליט"א, אין ביהמ"ד פאלטישאן אויף די ניין און פערציגסטע סטריט אין בארא פארק, ביז מארגן ערב שבת קודש.
