כ"ק אדמו"ר מסאטמאר שליט"א איז צוגאסט אויף דעם שבת בקרב חסידי סאטמאר אין בארא פארק, לרגל די נאכאנאנדע הרחבת גבולי הקדושה אינערהאלב די קהילה און מוסדות דחסידי סאטמאר אין בארא פארק, די תפילות און טישן קומען פאר אין ביהמ"ד הגדול דקהל יטב לב ד'סאטמאר.
כ"ק אדמו"ר מסלאנים שליט"א וועלכער האלט זיך אויף די טעג אויף א מסע הקודש צו די מקומות הקדושים אין אייראפע, אינאיינעם מיט די נגידים ותומכים פאר די נייע ביהמ"ד הגדול דחסידי סלאנים אין בני ברק, וועט פראווענען דעם שבת אויף א ערשטמאליגע פארנעם אין שטאט סלאנים אין בעלארוס, אין די נייע בנין הכנסת אורחים וואס איז לעצטנס באנייעט געווארן.
כ"ק אדמו"ר מוויזניץ שליט"א פון קייאמישע וועלכער האלט זיך אויף די טעג אויף א מסע הקודש אין פוילין, אינאיינעם מיט די תלמידי הישיבה, וועט פראווענען דעם שבת אין שטאט דינוב אין פוילין, אינעם בנין פון הכנסת אורחים בני יששכר.
כ"ק אדמו"ר מראחמיסטריווקא שליט"א איז צוגאסט אויף דעם שבת אין שטאט אלעד, אינאיינעם מיט די בחורי החבורות פון ישיבה גדולה ראחמיסטריווקא.
כ"ק אדמו"ר מראחמיסטריווקא שליט"א פון ספרינג וואלי איז צוגאסט אויף דעם שבת אין שטאט לאנדאן, לרגל די שמחת הברית פון א אייניקל, די תפילות און טישן קומען פאר אין ביהמ"ד הגדול וויזניץ, מוצאי שבת וועט דער רבי אפרעכטן די מלוה מלכה אין ראחמיסטריווקא ביהמ"ד אין די סטעמפארד הילל געגנט.
כ"ק אדמו"ר מלעלוב שליט"א וויילט דעם שבת אין עיה"ק צפת אויף אפרוה.
כ"ק אדמו"ר מקוסוב וויזניץ שליט"א איז צוגאסט אויף דעם שבת אין ירושלים, אין שטוב פון זיין איידעם הגה"צ ר' שלום צבי סופר שליט"א בנו יחידו פון כ"ק אדמו"ר מערלוי שליט"א.
הגה"צ המשפיע ר' אלימלך בידערמאן שליט"א מלעלוב איז צוגאסט אויף דעם שבת בקרב חסידיו אין שטאט ביתר, די באטע און שלש סעודות קומט פאר אין היכל ישיבת בעלזא אין גבעה א'.
כ"ק אדמו"ר ממבקשי אמונה שליט"א איז צוגאסט אויף דעם שבת אין ראש העין בקרב חסידיו.
דעם שבת קומט פאר א גרויסע שבת התכנסות פאר כלל חסידי ביאלא, שטייענדיג אין שבת בעפאר די ערשטע הילולא קדישא פון כ"ק אדמו"ר מביאלא זצ"ל בעל מבשר טוב, אין שפיץ פון בנו ממלא מקומו כ"ק אדמו"ר מביאלא שליט"א, אין ביהמ"ד הגדול ביאלא אויף רחוב יעקובזון אין ירושלים.
דעם מוצאי שבת געפאלט די יומא דהילולא קדישא פון כ"ק אדמו"ר בעל כנסת מרדכי מסאדיגורא זצ"ל, די אייניקלעך כ"ק האדמורי"ם מסאדיגורא שליט"א וועלן אפרעכטן די יארצייט טישן מוצאי שבת קודש.
דעם שבת קומט פאר די שמחת השלום זכר און ברית מילה פון א אייניקל ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א, בן הנולד ביי זיין איידעם הרב וועלוויל טווערסקי שליט"א, זון פון כ"ק אדמו"ר מראחמיסטריווקא שליט"א פון ספרינג וואלי, איידעם ביי הגה"צ אבד"ק ראחמיסטריווקא מאנסי שליט"א. – די שמחה קומט פאר אין ביהמ"ד הגדול וויזניץ אין לאנדאן.
דעם שבת קומט פאר פיר שמחות בחצר הקודש סלונים, צוויי שלום זכר'ס און צוויי קידושים ביים רבינ'ס אייניקלעך, בן הנולד ביי הרב רפאל ברזובסקי שליט"א, און בן הנולד ביי הרב יצחק ברזובסקי שליט"א, קינדער פונעם רבינ'ס זון הגה"צ ר' ישראל ברזובסקי שליט"א אב"ד סלונים ביתר. און די קידושים לבת הנולדה ביי הרב יוסף וויינבערג שליט"א, איידעם ביים רבינ'ס זון הגה"צ ר' יעקב שמשון ברזובסקי שליט"א, און בת הנולדה ביי הרב שלום נח גרינבערגער שליט"א, איידעם ביים רבינ'ס זון הגה"צ ר' משה ברזובסקי שליט"א ראש ישיבת סלונים. – די שמחות קומען פאר בצל הקודש פונעם עלטער זיידן כ"ק אדמו"ר מסלונים שליט"א אין ביהמ"ד הגדול אין ירושלים.
