נעכטן איז מרן ראש הישיבה הגאון הגדול רבי דוב לאנדא שליט"א ראש ישיבת סלאבאדקע, אפגעפירט געווארן אין שפיטאל נאכן אומפאלן ביי זיך אין שטוב דעם מיטוואך נאכט. דער ראש ישיבה איז אריין אין שפיטאל דאנערשטאג אינדערפרי און איז אריבער א סעריע אונטערזוכונגען און באהאנדלונגען.
היינט פארטאגס האבן די דאקטוירים באשלאסן אדורכצופירן אן אפעראציע, צו פאררעכטן א צובראכענע ביין וואס האט צוגעברענגט שווערע יסורים פארן ראש ישיבה, און מיטן אויבערשטנס הילף הערט מען אז די אפעראציע איז אריבער מיט גרויס הצלחה. דער ראש ישיבה וועט פארבלייבן איבער שבת אין שפיטאל פאר אבזערוואציעס, און מיטן אויבערשטנס הילף אהיימקומען נאך שבת און זיך ווייטער ערהוילן בס"ד, צו קענען ווייטער ממשיך זיין מיט די הרבצת התורה.
