היינט ב' אייר געפאלט די ערשטע יומא דהילולא קדישא פון כ"ק אדמו"ר מביאלא זצ"ל בעל מבשר טוב, בנו ממלא מקומו כ"ק אדמו"ר מביאלא שליט"א וועט ארויפגיין צום ציון הק' צום מעמד הקמת המצבה בראש קהל חסידיו אויפן הר הזיתים, און שפעטער פארנאכטס וועט פארקומען די צענטראלע יארצייט טיש אין ביהמ"ד הגדול ביאלא אין ירושלים.
היינט נאכט ג' אייר געפאלט די הונדערטסטע יומא דהילולא קדישא פונעם מופת הדור דער הייליגער צדיק רבי ישעי'לע פון קערעסטיר זי"ע, טויזענטער אידן פארן ארויס צום שטאט קערעסטיר אין אונגארן צו פוקד זיין דעם ציון הק' בעצם יומא דהילולא קדישא, פילע אדמורי"ם ורבנים וועלן פראווענען יארצייט טישן און מסיבות לחיים לכבוד די יארצייט, א גרויסע יארצייט סעודה קומט פאר אינעם גרויסן שאטער ביי רבי ישעי'לעס הויז אין שטאט קערעסטיר, אין שפיץ פון אדמורי"ם ורבנים נכדי בעל ההילולא.
כ"ק אדמו"ר מוויזניץ שליט"א פון מאנסי קומט היינט אן קיין לאנדאן לטובת מוסדותיו הקדושים, די אכסניא איז אין שטוב פון הנגיד החסיד ר' שלום זושא פעלדמאן הי"ו, היינט אויפדערנאכט קומט פאר א גרויסע מעמד קבלת פנים אין ביהמ"ד הגדול וויזניץ אין לאנדאן.
שמחת בית דינוב – ספינקא: עס איז געשלאסן געווארן די שידוך פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' זלמן יוסף ראבינאוויטש שליט"א, איידעם ביי הגה"צ ר' יחזקאל דייטש שליט"א אבד"ק מקור חיים, מיט די כלה א טאכטער פון הגה"צ ר' יואל באב"ד שליט"א, זון פון הגה"צ אבד"ק טארטיקוב שליט"א, און איידעם ביי כ"ק אדמו"ר מספינקא שליט"א.
שמחת בית פאלטישאן – קאסאן – דעעש: עס איז געשלאסן געווארן די שידוך פון די כלה א טאכטער פון כ"ק אדמו"ר מפאלטישאן שליט"א, מיט די חתן א זון פון הגה"צ ר' אברהם פאנעט שליט"א, זון פון כ"ק אדמו"ר מדעעש קרית יואל שליט"א, אייניקל פון כ"ק אדמו"ר מקאסאן שליט"א.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' יצחק ראזענבערגער שליט"א דומ"ץ סאטמאר ליע גארדענס, זון פון הגה"צ גאב"ד קרית הרמ"א בית שמש שליט"א, בן הנולד ביי זיין איידעם הרב חיים אלי' ראזענבערגער שליט"א, זון פון הגה"צ ר' יואל ראזענבערגער שליט"א, זון פון הגה"צ אבד"ק גמזו שליט"א, און איידעם ביי כ"ק אדמו"ר מספינקא קאנאדע שליט"א. – די שמחה קומט פאר אין היכל ישיבה קטנה ד'סאטמאר אויף ווילאבי סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
