כ"ק אדמו"ר מקארלין סטאלין שליט"א קומט היינט אן אויף א בליץ באזוך קיין ניו יארק, אונטערוועגנס קיין דעטרויט וואו דער רבי וועט וויילן אויף שבת קודש אינאיינעם מיט פילע חסידים, לרגל די יומא דהילולא קדישא פון הרה"ק רבי יעקב חיים מסטאלין דעטרויט זי"ע.
כ"ק אדמו"ר ממודזיץ שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק בעל אמרי אש ממודזיץ זי"ע, אין ביהמ"ד הגדול מודזיץ אין בני ברק.
כ"ק אדמו"ר מצאנז זוועהיל שליט"א וועט היינט אויפדערנאכט אויפטרעטן מיט א דרשת פתיחת הזמן, אין כולל ערב אמרי חיים וויזניץ דחסידי וויזניץ וומס"ב אין מאנסי.
היינט קומט פאר די מעמד הקמת המציבה על קברו פון האברך בנש"ק הרב יוסף ראזנער ז"ל, זון פון הגה"צ ר' אהרן ישעי' ראזנער שליט"א דומ"ץ סאמבאטהעלי, און אייניקל פון כ"ק אדמו"ר מוויען שליט"א, עס קומט פאר אויפן בית החיים אין קרית פאפא וועסטשעסטער איינס אזייגער מיטאג.
עס איז געשלאסן געווארן די שידוך פונעם חתן א זון פון הרב חיים מאיר ארנסטר שליט"א, זון פון הגה"צ ר' ישראל ארנסטר שליט"א, און איידעם ביי כ"ק אדמו"ר מנייטרא שליט"א, מיט די כלה א טאכטער פון הגה"צ ר' מאיר נתן פריעדמאן שליט"א אבד"ק סעטשא, זון פון כ"ק גאב"ד טענקא שליט"א, און איידעם ביי כ"ק אדמו"ר מסטראזניץ שליט"א.
עס איז געשלאסן געווארן די שידוך פונעם חתן א זון פון הגה"צ ר' יהושע העשיל האלבערשטאם שליט"א דומ"ץ ביקאווסק לאנדאן, איידעם ביי הגה"צ ר' חיים פינטער זצ"ל אבד"ק ביקאווסק, מיט די כלה א טאכטער פון הרב ישראל ארנסטר שליט"א, זון פון הגה"צ ר' אליעזר ארנסטר שליט"א אבד"ק מאור חיים צפת, און איידעם ביי כ"ק אדמו"ר מנדבורנא לאנדאן שליט"א.
שמחת בית פאלטישאן – קאסאן – דעעש: היינט קומט פאר די שמחת התנאים פון די כלה א טאכטער פון כ"ק אדמו"ר מפאלטישאן שליט"א, מיט די חתן א זון פון הגה"צ ר' אברהם פאנעט שליט"א, זון פון כ"ק אדמו"ר מדעעש קרית יואל שליט"א, אייניקל פון כ"ק אדמו"ר מקאסאן שליט"א. - די שמחה קומט פאר אין ביהמ"ד פאלטישאן אין בארא פארק.
היינט קומט פאר די שמחת התנאים פונעם חתן א זון פון הגה"צ ר' משה חיים אפרים ראזענבוים שליט"א, זון פון כ"ק אדמו"ר מסטראזניץ לאנדאן שליט"א, און איידעם ביי הגה"צ ר' אהרן זילבערשטיין שליט"א, מיט די כלה א טאכטער פון הגה"צ ר' חיים יוסף ליסויער שליט"א אבד"ק קאריץ, זון פון כ"ק אדמו"ר מנאנאש ריווערדעיל שליט"א, און איידעם ביי כ"ק אדמו"ר מקאליש זצ"ל. – די שמחה קומט פאר אין זאל נועם אלימלך ליזענסק אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
