היינט קומט פאר די גרויסארטיגע מעמד פתיחת שערים בחצר הקודש באבוב 45, אין בעפארברייטונג צום גרויסן מגבית פתיחת שערים צו קענען מחנך זיין דעם נייעם ביהמ"ד הגדול מרכז העולמי דחסידי באבוב 45 לקראת די ימים הנוראים הבעל"ט, די מעמד קומט פאר אין ביהמ"ד באבוב 45 אויף די 49'סטע גאס אין בארא פארק.
היינט קומט פאר א גרויסע עצרת זעקה וחיזוק פאר כלל חסידי קרעטשניף בארץ הקודש, על פי קריאת הקודש פון כ"ק אדמו"ר מקרעטשניף שליט"א, עס קומט פאר אין ביהמ"ד הגדול אין קרית קרעטשניף רחובות.
היינט קומט פאר אין לאנדאן די יערליכע דינער לטובת איחוד מוסדות גור, עס קומט פאר אין די וועניו זאל, אין שפיץ פון הגה"צ ר' נחמי' אלתר שליט"א בן כ"ק אדמו"ר מגור שליט"א.
היינט ו' אייר געפאלט די יומא דהילולא קדישא פון הרה"ק בעל אמרי יוסף מספינקא זי"ע, נכדו כ"ק אדמו"ר מספינקא שליט"א וועט אפרעכטן די יארצייט טיש בבית מדרשו אין בארא פארק, נכדו כ"ק אדמו"ר מספינקא שליט"א וועט אפרעכטן די יארצייט טיש בבית מדרשו אין בני ברק, נכדו כ"ק אדמו"ר מתולדות צבי ספינקא שליט"א וועט אפרעכטן די יארצייט טיש היינט פארנאכטס בהיכל ישיבה גדולה תורת צבי ספינקא אין טשעסטער.
היינט ו' אייר געפאלט די יומא דהילולא קדישא פון הרה"ק רבי יעקב חיים מסטאלין דעטרויט זי"ע, כ"ק אדמו"ר מקארלין סטאלין שליט"א וועלכער האט געפראוועט א גרויסע שבת אין שטאט דעטרויט, וועט היינט פארטאגס פוקד זיין דעם ציון הק' בראש קהל חסידיו, כ"ק אדמו"ר מלוצק שליט"א וועלכער האט געפראוועט דעם שבת אין קליוולאנד אהייא, וועט היינט אנקומען צום שטאט דעטרויט צו פוקד זיין דעם ציון הק' בעצם יומא דהילולא קדישא.
לרגל די יומא דהילולא קדישא פון הרה"ק רבי מנחם מענדיל מסטראפקוב זי"ע בעל דברי מנחם, וואס געפאלט היינט ו' אייר, וועט כ"ק אדמו"ר מסטראפקוב שליט"א ארויפגיין צום ציון הק' אויפן הר המנוחות, היינט צוויי אזייגער מיטאג בראש קהל חסידיו.
שמחת בית באבוב 45: עס איז געשלאסן געווארן די שידוך פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון זיין עלטסטן איידעם הגה"צ ר' חיים ברוך האלבערשטאם שליט"א, זון פון הגה"צ ר' בנציון אברהם האלבערשטאם שליט"א אבד"ק בית אברהם פאקשעוויץ, מיט די חתן א זון פון הגה"צ ר' יהושע פרץ הורוויץ שליט"א, זון פון הגה"צ אבד"ק זרע קודש וראש ישיבת בית מאיר שליט"א, און איידעם ביי הגה"צ ר' ישעי' תאומים פרענקל שליט"א רב דקהל קדושי קראקא בני ברק.
שמחת בית פאפא: עס איז געשלאסן געווארן די שידוך פון א אייניקל ביי כ"ק אדמו"ר מפאפא שליט"א, די כלה א טאכטער פון זיין איידעם הגה"צ ר' ברוך רובין שליט"א, זון פון כ"ק אדמו"ר מסוליצא שליט"א, מיט די חתן א זון פון הגה"צ ר' אלישע סעקולא שליט"א אבד"ק סאדאוונא, איידעם ביי כ"ק אדמו"ר מסטריזוב שליט"א.
שמחת בית דינוב – ספינקא: היינט קומט פאר די שמחת התנאים פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' זלמן יוסף ראבינאוויטש שליט"א, איידעם ביי הגה"צ ר' יחזקאל דייטש שליט"א אבד"ק מקור חיים, מיט די כלה א טאכטער פון הגה"צ ר' יואל באב"ד שליט"א, זון פון הגה"צ אבד"ק טארטיקוב שליט"א, און איידעם ביי כ"ק אדמו"ר מספינקא שליט"א. – די שמחה קומט פאר אין ספינקא בית המדרש אין בארא פארק.
עס איז געשלאסן געווארן די שידוך פונעם חתן א זון פון כ"ק אדמו"ר מזידטשויב מארין פארק שליט"א, זון פון כ"ק אדמו"ר מזידטשויב שיקאגא זצ"ל, און איידעם ביי הגה"צ אבד"ק פרעמישלאן פלעטבוש זצ"ל, מיט די כלה א טאכטער פון כ"ק אדמו"ר מקאלאמייא שליט"א, זון פון כ"ק אדמו"ר מסאסרעגען זצ"ל, און איידעם ביי כ"ק אדמו"ר מצאנז זצ"ל פון בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
