די טויזענטער תלמידים אין די בארימטע מירער ישיבה אין ירושלים, זענען היינט פארבעטן געווארן צו דאווענען און מעורר זיין רחמי שמים לרפואתו פונעם ראש ישיבה הגאון הגדול רבי יצחק אזרחי שליט"א, וועלכער געפונט זיך אין שפיטאל און איז אנגעוויזן אויף רחמי שמים.
דער ראש ישיבה שליט"א איז דעם פארגאנגענעם פרייטאג ערב שבת קודש געווארן אפגעפירט אין שפיטאל נאכן זיין ערנסט אפגעשוואכט, היינט מאנטאג האבן די ראשי הישיבה געבעטן פון די תלמידי הישיבה צו דאווענען לרפואתו, נאך וואס דער ראש ישיבה גייט אריבער אין די יעצטיגע טעג א ערנסטע מעדיצינישע באהאנדלונג, און מען דארף גרויס רחמי שמים אז דער ראש ישיבה זאל זיך ערהוילן בסייעתא דשמיא.
אידישע קינדער זענען מתפלל לרפואתו, הגאון רבי יעקב יצחק בן הינדא מלכה, בתוך שאר חולי ישראל.
