היינט מאנטאג פסח שני קומט פאר די היסטארישע כינוס אדיר "להקהל", וואו צענדליגע טויזענטער תושבי מאנסי וועלן זיך צוזאמקומען און אוועקשטעלן א פעסטע יסוד איינצופעדימען די נייע מצא טוב רעוואלוציע, מיטן איינציגן ציהל ארויסצוהעלפן אחינו בני ישראל מיט די שרעקליכע קריזיס פון הויכע חתונה הוצאות, עס קומט פאר אין די גיגאנטישע RCC קאמפלעקס אין מאנסי, אין שפיץ פון די אדמור"י ורבני העיר.
היינט קומט פאר די מעמד הנחת אבן הפינה פאר די נייע בנין הקהילה והמוסדות דחסידי סאטמאר אין ירושלים, עס קומט פאר אויף א באשיידענע פארנעם אין שטוב פון הנגיד החסיד ר' זלמן לייב קאפפעל הי"ו אין קרית יואל, אין שפיץ פון כ"ק אדמו"ר מסאטמאר שליט"א.
היינט פסח שני וועלן פילע אדמורי"ם ורבנים אפרעכטן די טישן לכבוד היום.
כ"ק אדמו"ר מבאבוב שליט"א קומט היינט אן אויף תפילת שחרית אין באבובער בית המדרש אין מאנסי, נאכן דאווענען און א ברית לבן אחד מחסידיו, וועט דער רבי שליט"א אפרעכטן א לחיים טיש לכבוד פסח שני, אינאיינעם מיט די חסידים תושבי העיר.
כ"ק אדמו"ר מסקולען שליט"א וועלכער איז צוגאסט די טעג אין מאנטריאל בקרב חסידיו, וועט היינט פארנאכטס אפרעכטן דעם טיש לכבוד פסח שני, אין ביהמ"ד קהל מאור הגולה.
כ"ק אדמו"ר מקאשוי שליט"א וועלכער איז צוגאסט די טעג אין לאס אנדזשעלעס לטובת מוסדותיו הקדושים, וועט היינט אפרעכטן דעם טיש לכבוד פסח שני, אין שטוב פון הנגיד החסיד ר' בערל ווייס הי"ו.
כ"ק אדמו"ר מאמשינאוו ארה"ב שליט"א קומט היינט אן קיין קרית יואל, און וועט אפרעכטן דעם טיש לכבוד פסח שני אין שטוב פון הנגיד החסיד ר' אברהם ביקעל הי"ו.
כ"ק אדמו"ר מגאלאנטא שליט"א וועלכער האט געוויילט די לעצטע וואך צייט אויף א מסע הקודש צו די קברי צדיקים אין אייראפע, קערט זיך היינט צוריק למעון קדשו אין וויליאמסבורג.
כ"ק אדמו"ר מקהל חסידי ירושלים שליט"א וועלכער האט געוויילט די לעצטע צוויי וואכן אין שטאט לעיקוואד לטובת מוסדותיו הקדושים, וועט היינט אנקומען אויף א באזוך קיין מאנסי פאר עטליכע טעג, בקרב חסידיו תושבי העיר.
צו די פטירה פון הגה"צ ר' יחזקאל שרגא דוד האלפערין זצ"ל רב חסידי צאנז אין רמות, זיצן שבעה די בני המשפחה אין זיין שטוב אויף רחוב מינץ אין רמות ד' אין ירושלים, עס זיצן שבעה זיינע קינדער, זיין רעבעצין תליט"א טאכטער פון כ"ק אדמו"ר מסטראפקוב שליט"א, זיין פאטער כ"ק גאב"ד ראדאמישלא רמות שליט"א, זיינע ברידער כ"ק אדמו"ר מברעזאן שליט"א פון ירושלים, הגה"צ ר' יעקב האלפערין שליט"א, הגה"צ ר' מרדכי יוסף משה האלפערין שליט"א רב דקהל חסידים אין ביתר, הגה"צ ר' שלמה, ר' חיים, ר' אהרן, און ר' ברוך יהושע העשיל שליט"א. זיינע שוועסטער'ס הרבנית אשת הגה"צ ר' יעקב מרדכי טווערסקי שליט"א אבד"ק טשערנאביל אלעד, הרבנית אשת הגה"צ ר' יחזקאל שרגא ברוך האלבערשטאם שליט"א אב"ד קרית צאנז נתני', בנו הגדול פון כ"ק אדמו"ר מצאנז שליט"א, און הרבנית אשת הגה"צ ר' משה סופר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
