שמחת בית ערלוי – נייטרא – אסטראוו קאלושין: עס איז געשלאסן געווארן די שידוך פונעם חתן יונגסטע קינד פון הגה"צ ר' אשר חיים שטערנבוך שליט"א אבד"ק אהל יעקב ודומ"ץ קהל מחזיקי הדת אנטווערפן, זון פון הגה"צ ראב"ד אנטווערפן זצ"ל, און איידעם ביי כ"ק אדמו"ר מאסטראוו קאלושין שליט"א פון סידערהויסט, מיט די כלה א טאכטער פון הגה"צ ר' יעקב יחזקי' אונגאר שליט"א, זון פון כ"ק אדמו"ר מנייטרא שליט"א, און איידעם ביי כ"ק אדמו"ר מערלוי שליט"א. – די שמחת התנאים קומט פאר אין עדן זאל אין לאנדאן.
שמחת בית טשערנאוויץ – מעליץ: עס איז געשלאסן געווארן די שידוך פון א אייניקל ביי כ"ק אדמו"ר מטשערנאוויץ שליט"א, די חתן א זון פון זיין זון הגה"צ ר' אהרן צבי שנעעבאלג שליט"א דומ"ץ טשערנאוויץ, איידעם ביי הגה"צ ר' ברוך הורוויץ שליט"א דומ"ץ מעליץ, זון פון כ"ק אדמו"ר ממעליץ שליט"א, מיט די כלה א טאכטער פון הגה"צ ר' יהודה אלישע הורוויץ שליט"א רב ביהמ"ד אור החיים אין קרית יואל, זון פון הגה"צ אבד"ק סאטמאר מאנטשעסטער שליט"א, און איידעם ביי כ"ק אדמו"ר מלאנצוהט זצ"ל.
היינט ט"ו אייר געפאלט די יומא דיהלולא קדישא פון הרה"ק רבי חיים מאיר יחיאל השרף ממאגלניצא זי"ע, כ"ק אדמו"ר מתולדות צבי ספינקא שליט"א וועלכער איז ארויסגעפארן אויף א קורצע מסע הקודש קיין אייראפע לרגל די יארצייט, וועט היינט פארמיטאג פוקד זיין דעם ציון הק' אויפן בית עלמין אין שטאט מאגלניצא, און דערנאך אפרעכטן די יארצייט טיש ברוב עם אינעם ארטיגן בנין הכנסת אורחים. שפעטער ביינאכט וועט זיך דער רבי שליט"א אומקערן אהיים למעון קדשו אין וויליאמסבורג.
היינט נאכט ט"ז אייר געפאלט די יומא דהילולא קדישא פון הרה"ק מקרעטשניף זי"ע, בנו כ"ק אדמו"ר מקרעטשניף שליט"א פון י"ם וועט אפרעכטן א לחיים טיש היינט נאכט נאך מעריב, בנו כ"ק אדמו"ר מקרעטשניף סיגעט שליט"א וועט אפרעכטן די יארצייט טיש היינט אויפדערנאכט בבית מדרשו אויף רחוב ראפאפורט אין ירושלים, און דערנאך כחצות הלילה ארויפגיים צום ציון הק' בראש קהל חסידיו אויפן הר הזיתים.
היינט קומט פאר א ספעציעלע מסיבה ועידת הנדיבים לטובת מוסדות פאפא מאנסי, אין שפיץ פון כ"ק אדמו"ר מפאפא שליט"א.
היינט קומט פאר א כינוס חיזוק פאר כלל חסידי גור אין אמעריקע, אין שפיץ פון הגה"צ ר' שמעון רוטשטיין שליט"א, חדב"ן כ"ק אדמו"ר מגור שליט"א, עס קומט פאר אינעם היכל המתיבתא בית ישראל אויף די זעכצנטע עוועניו אין בארא פארק.
כ"ק אדמו"ר מסקולען שליט"א וועלכער איז צוגאסט די טעג אין מאנטריאל, וועט היינט אויפדערנאכט באשיינען א מסיבה נהדרה חביבין דבקבעתא לטובת מוסדות חסד לאברהם, אין שטוב פון הנגיד החסיד ר' אלעזר ווייל הי"ו.
כ"ק אדמו"ר מוויזניץ שליט"א פון בית שמש וועלכער האט געוויילט די לעצטע וואך צייט אין בראזיל לטובת מוסדותיו הקדושים, קערט זיך היינט צוריק למעון קדשו אין בית שמש.
צו די פטירה פון הגה"צ ר' יחזקאל שרגא דוד האלפערין זצ"ל רב חסידי צאנז אין רמות, זיצן שבעה די בני המשפחה אין זיין שטוב אויף רחוב מינץ אין רמות ד' אין ירושלים, עס זיצן שבעה זיינע קינדער, זיין רעבעצין תליט"א טאכטער פון כ"ק אדמו"ר מסטראפקוב שליט"א, זיין פאטער כ"ק גאב"ד ראדאמישלא רמות שליט"א, זיינע ברידער כ"ק אדמו"ר מברעזאן שליט"א פון ירושלים, הגה"צ ר' יעקב האלפערין שליט"א, הגה"צ ר' מרדכי יוסף משה האלפערין שליט"א רב דקהל חסידים אין ביתר, הגה"צ ר' שלמה, ר' חיים, ר' אהרן, און ר' ברוך יהושע העשיל שליט"א. זיינע שוועסטער'ס הרבנית אשת הגה"צ ר' יעקב מרדכי טווערסקי שליט"א אבד"ק טשערנאביל אלעד, הרבנית אשת הגה"צ ר' יחזקאל שרגא ברוך האלבערשטאם שליט"א אב"ד קרית צאנז נתני', בנו הגדול פון כ"ק אדמו"ר מצאנז שליט"א, און הרבנית אשת הגה"צ ר' משה סופר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
