כ"ק אדמו"ר מוויזניץ שליט"א וועלכער האט געוויילט פאר צוויי חדשים אין לאס אנדזשעלעס לצרכי רפואה, און דערנאך צוויי וואכן אין שווייץ אויף אפרוה, קערט זיך היינט צוריק אין א מזל'דיגע שעה למעון קדשו אין קרית וויזניץ בני ברק.
היינט ט"ז אייר געפאלט די יומא דהילולא קדישא פון הרה"ק רבי הערשעלע מקרעטשניף זי"ע, בנו כ"ק אדמו"ר מקרעטשניף שליט"א פון י"ם וועט ארויפגיין צום ציון הק' אויפן הר הזיתים היינט נאכמיטאג בראש קהל חסידיו, און שפעטער פארנאכטס אפרעכטן די יארצייט טיש בבית מדרשו אויף רחוב אבינועם ילין אין ירושלים.
עס איז געשלאסן געווארן די שידוך פונעם חתן א זון פון הגה"צ ר' משה סופר שליט"א אב"ד ערלוי אנטווערפן, זון פון הגה"צ ר' עקיבא סופר שליט"א אבד"ק ערלוי ב"ב שליט"א, און איידעם ביי הגה"צ ר' ישעי' שלאמאוויטש שליט"א מח"ס אבני שוהם, מיט די כלה א טאכטער פון הגה"צ ר' יחיאל יהושע ראבינאוויטש שליט"א, זון פון כ"ק אדמו"ר מביאלא לאנדאן שליט"א, און איידעם ביי כ"ק אדמו"ר מקוזמיר שליט"א. – די שמחת התנאים קומט פאר היינט אויפדערנאכט אין זאל ישמח לב אין לאנדאן.
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות אהרן שליט"א, א זון פון זיין איידעם הגה"צ ר' ברוך כהנא שליט"א, זון פון כ"ק אדמו"ר מספינקא סוליצא שליט"א. – די שמחה קומט פאר אין די פארהאנד זאל, בית יעקב הישן אין די בית ישראל געגנט אין ירושלים.
היינט קומט פאר די שמחת הבר מצוה פון א אייניקל ביי כ"ק אדמו"ר מנצח מנחם ספינקא שליט"א, א זון פון זיין זון הרב שלום כהנא שליט"א, איידעם ביי הגה"צ ר' נפתלי שפיגל שליט"א אב"ד פאריצק, זון פון כ"ק אדמו"ר מאסטראוו קאלושין זצ"ל, און איידעם ביי הגה"צ ר' אפרים שטיין שליט"א אבד"ק פאלטישאן. – די שמחה קומט פאר אין זאל פון בנות ישראל וויזניץ אויף 229 מעיפל אין מאנסי.
צו די פטירה פון הגה"צ ר' יחזקאל שרגא דוד האלפערין זצ"ל רב חסידי צאנז אין רמות, זיצן שבעה די בני המשפחה אין זיין שטוב אויף רחוב מינץ אין רמות ד' אין ירושלים, עס זיצן שבעה זיינע קינדער, זיין רעבעצין תליט"א טאכטער פון כ"ק אדמו"ר מסטראפקוב שליט"א, זיין פאטער כ"ק גאב"ד ראדאמישלא רמות שליט"א, זיינע ברידער כ"ק אדמו"ר מברעזאן שליט"א פון ירושלים, הגה"צ ר' יעקב האלפערין שליט"א, הגה"צ ר' מרדכי יוסף משה האלפערין שליט"א רב דקהל חסידים אין ביתר, הגה"צ ר' שלמה, ר' חיים, ר' אהרן, און ר' ברוך יהושע העשיל שליט"א. זיינע שוועסטער'ס הרבנית אשת הגה"צ ר' יעקב מרדכי טווערסקי שליט"א אבד"ק טשערנאביל אלעד, הרבנית אשת הגה"צ ר' יחזקאל שרגא ברוך האלבערשטאם שליט"א אב"ד קרית צאנז נתני', בנו הגדול פון כ"ק אדמו"ר מצאנז שליט"א, און הרבנית אשת הגה"צ ר' משה סופר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
