א היסטארישע שוהל אין די שטאט אינאוולאדזש אין פוילין, וואס געפונט זיך אין די אומגעגנט פון די באקאנטע שטאט לאדזש, איז ליידער באטראפן געווארן פון א העלישע פייער וואס האט פאראורזאכט שאדן פאר די געביידע. די שוהל געביידע איז לעצטנס פארוואנדלט געווארן אין א לאקאלער סופערמארקעט און האט געדינט די ארטיגע איינוואוינער.
די שוהל איז געווען די אכסניא פונעם באקאנטן גאון רבי יחזקאל הלוי האלשטאק זצ"ל, זון פון הגה"ק מאסטראווצא זצ"ל, וועלכער האט געדינט אלס רב אין דעם שטאט. ער פלעגט דאווענען אין דעם בית המדרש, און נאכן קריג איז עס ליידער פארוויסט געווארן ווען קיינער איז נישט געקומען אין שוהל.
די שוהל האט שוין געהאט עטליכע סארט אקטיוויטעטן דערין אין די לעצטע צענדליגע יארן, און לעצטנס האט עס געדינט אלס א לאקאלער סופערמארקעט, אבער אויף די ווענט איז נאך געווען די תפילות אויסגעקריצט, און א גרויסע תפילה לשלומה של מלכות פארן רוסישן קייסער ניקאליי דער צווייטער.
די פייער האט פארניכטעט די שוהל געביידע, און איז פארלאשן געווארן דורך לאקאלע פייערלעשער, קיינער איז נישט פארוואונדעט געווארן אין די פייער, און אצינד ווארט מען צו זעהן אויב מען וועט נאך דערקענען עפעס אידישע צייכענעס אויפן פלאץ.
