א העלישע פייער האט אויסגעבראכן די נאכט אין א אידישע באוואוינטע הויז אין סאוט בלומינגראוו נעבן קרית יואל, די פייער האט ליידער פארניכטעט די אידישע הויז און געשאפן גאר שווערע שאדן, אין די צייט וואס אלע איינוואוינער זענען ב"ה ארויסגעראטעוועט באצייטנס.
עס האט פאסירט עטליכע מינוט בעפאר פינף אזייגער פארטאגס, ווען די פייער אלארם האט זיך אנגעצינדן אין די הויז און די משפחה האט זיך ערוועקט צו א ברענענדיגע הויז, אלע איינוואוינער זענען באלד ארויסגעלאפן פון די הויז פארזיכערט, ווען דאס גאנצע האב גוטס פארגייט מיטן רויעך וואלקן ארויף.
פילע פייערלעשער און הילף אגענטורן זענען אנגעקומען אויפן סצענע, געארבעט צו פארלעשן די פלאמען און שענקן הילף פאר די באטראפענע, די אורזאך פון די פייער איז דערווייל נישט געמאלדן געווארן, און גוטהארציגע שכנים ארבעטן צו ארויסהעלפן און פלאצירן די באטראפענע.
