היינט קומט פאר די יערליכע דינער לטובת מוסדות יטב לב בעיר הקודש ירושלים, אינאיינעם מיט די צענטראלע ל"ג בעומר טיש דורך כ"ק אדמו"ר מסאטמאר שליט"א, עס קומט פאר אויף א גרויסארטיגע פארנעם אין די גיגאנטישע ברוקלין סטאורהאוז ארענא אין וויליאמסבורג.
היינט קומט פאר די מעמד סיום מסכת שבועות וואס איז געלערנט געווארן במסגרת הלימוד מזון הנפש דחסידי טאהש, עס קומט פאר ביים ל"ג בעומר טיש אין ביהמ"ד הגדול אין קרית טאהש, תיכף נאכן הדלקה אין שפיץ פון כ"ק אדמו"ר מטאהש שליט"א.
כ"ק אדמו"ר מקאסאן שליט"א קומט היינט אן צוגאסט קיין שיקאגא אויף א ביקור חיזוק בקרב תושבי העיר, און וועט היינט אויפדערנאכט אפרעכטן א גרויסע מעמד הדלקה פארנט פון זידטשויבער בית המדרש אין שטאט.
כ"ק גאב"ד וואודרידזש שליט"א וועט היינט אויפדערנאכט אנקומען קיין וויליאמסבורג צו פראווענען דעם ל"ג בעומר טיש בקרב חסידיו, דער רב שליט"א וועט מעריך זיין שולחנו הטהור נאך מעריב אין ביהמ"ד נימיזשא אויף ספענסער.
הגה"צ אבד"ק סאטמאר וויליאמסבורג שליט"א קומט היינט אן צוגאסט קיין לאנדאן, לרגל די שמחת הקידושא רבא פון א אייניקל, און וועט היינט אויפדערנאכט אפרעכטן א גרויסע מעמד הדלקה פארנט פון ביהמ"ד הגדול דקהל יטב לב ד'סאטמאר אויף קלעפטאן קאממאן.
שמחת בית סקאליע – צאנז: עס איז געשלאסן געווארן די שידוך פון א אייניקל ביי כ"ק אדמו"ר מסקאליע שליט"א, די חתן א זון פון זיין איידעם הרב יעקב יצחק לייפער שליט"א, זון פון הגה"צ ר' נחמן לייפער שליט"א, איידעם ביי הגה"צ ר' מרדכי זאב עהרנרייך שליט"א אבד"ק שימלויא, מיט די כלה א טאכטער פון הרב חיים יואל האלבערשטאם שליט"א, זון פון כ"ק אדמו"ר מצאנז שליט"א פון בארא פארק, און איידעם ביי הגה"צ ר' שמחה בונם פישער שליט"א ממאטערסדארף.
שמחת בית מודזיץ: עס איז געשלאסן געווארן די שידוך פון א אייניקל ביי כ"ק אדמו"ר ממודזיץ שליט"א, די חתן א זון פון זיין איידעם הרב יוסף שיף שליט"א, זון פון כ"ק אדמו"ר מליזענסק ירושלים זצ"ל, מיט די כלה א טאכטער פון הרב העניך טייטלבוים שליט"א ראש ישיבת אהל תורה לאנדאן, זון פון הגה"צ אבד"ק סלאטפינא זצ"ל, און איידעם ביי הגה"צ ר' אשר אנשיל יונגרייז שליט"א אב"ד תפארת עמרם לאנדאן.
היינט קומט פאר די שמחת החתונה פון א אייניקל ביי הגה"צ אבד"ק היבנוב שליט"א, די כלה א טאכטער פון זיין זון הרב ישראל פריעדלאנדער שליט"א, איידעם ביי הגה"צ ר' אפרים ראזען שליט"א חבר ביד"ץ טארטיקוב, מיט די חתן א זון פון הגה"צ ר' שלום נח לאנדא שליט"א ראש ישיבת ווערעצקי פלעטבוש, איידעם ביי הגה"צ ר' מרדכי דוב בער טווערסקי זצ"ל מהארנסטייפל. – די שמחת החתונה קומט פאר אין זאל עטרת חינקא אין בארא פארק.
צו די פטירה פון הגה"צ ר' יחזקאל שרגא דוד האלפערין זצ"ל רב חסידי צאנז אין רמות, זיצן שבעה די בני המשפחה אין זיין שטוב אויף רחוב מינץ אין רמות ד' אין ירושלים, עס זיצן שבעה זיינע קינדער, זיין רעבעצין תליט"א טאכטער פון כ"ק אדמו"ר מסטראפקוב שליט"א, זיין פאטער כ"ק גאב"ד ראדאמישלא רמות שליט"א, זיינע ברידער כ"ק אדמו"ר מברעזאן שליט"א פון ירושלים, הגה"צ ר' יעקב האלפערין שליט"א, הגה"צ ר' מרדכי יוסף משה האלפערין שליט"א רב דקהל חסידים אין ביתר, הגה"צ ר' שלמה, ר' חיים, ר' אהרן, און ר' ברוך יהושע העשיל שליט"א. זיינע שוועסטער'ס הרבנית אשת הגה"צ ר' יעקב מרדכי טווערסקי שליט"א אבד"ק טשערנאביל אלעד, הרבנית אשת הגה"צ ר' יחזקאל שרגא ברוך האלבערשטאם שליט"א אב"ד קרית צאנז נתני', בנו הגדול פון כ"ק אדמו"ר מצאנז שליט"א, און הרבנית אשת הגה"צ ר' משה סופר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
