היינט קומט פאר די מעמד יציקת הבורות פאר די נייע מקוה טהרה וואס ווערט געבויעט אין די נייע יונגל קעמפ מחנה אהל יצחק ראחמיסטריווקא אין עלענוויל, אין שפיץ פון כ"ק אדמו"ר מראחמיסטריווקא שליט"א.
היינט ל"ז בעומר געפאלט די יום הצלה והשחרור פון כ"ק אדמו"ר הרה"ק בעל אמרי חיים מוויזניץ זי"ע, וועלכער איז אין דעם טאג געראטעוועט געווארן מגיא צלמות ביים צווייטן וועלט קריג, די אייניקלעך כ"ק האדמורי"ם מוויזניץ שליט"א וועלן אפרעכטן מסיבות לחיים לכבוד היום.
כ"ק אדמו"ר מסטוטשין שליט"א וועלכער איז נעכטן אנגעקומען אויף א בליץ באזוך קיין ארץ ישראל, צו מתפלל זיין ביים ציון הק' פון התנא האלקי רבי שמעון בר יוחאי אין אתרא קדישא מירון, שטייענדיג אין די טעג נאך ל"ג בעומר, קערט זיך היינט צוריק למעון קדשו אין בארא פארק.
הגה"צ רבי שמואל אליעזר שטערן שליט"א גאב"ד מערב ב"ב קומט היינט אן אויף א ביקור חיזוק אין ניו יארק, וואו דער רב איז ערווארטעט צו אויפטרעטן בהיכלי הישיבות והכוללים, און פארהערן אריבער הונדערט אינגעלייט און זיי מכתיר זיין בכתר ההוראה.
עס איז געשלאסן געווארן די שידוך פונעם חתן א זון פון הגה"צ ר' חיים שלמה מיללער שליט"א אבד"ק נייטרא וומס"ב, זון פון הגה"צ אבד"ק אייזענשטאט שליט"א, און איידעם ביי הגה"צ אבד"ק דושינסקיא וומס"ב זצ"ל, מיט די כלה א טאכטער פון הגה"צ ר' נחום אלישע הורוויץ שליט"א, זון פון הגה"צ ר' נפתלי צבי הורוויץ שליט"א מראחוב לאנדאן, און איידעם ביי הגה"צ גאב"ד פריימאן שליט"א ראב"ד התאחדות הרבנים.
עס איז געשלאסן געווארן די שידוך פון א אייניקל ביי כ"ק אדמו"ר מפרימישלאן שליט"א, די חתן א זון פון זיין איידעם הגה"צ ר' משה הלל שטערן שליט"א, זון פון הגה"צ אבד"ק ראחמיסטריווקא ב"ב שליט"א, מיט די כלה א טאכטער פון הגה"צ ר' ישראל האגער שליט"א, זון פון כ"ק אדמו"ר משאץ וויזניץ שליט"א, און איידעם ביי כ"ק אדמו"ר מליטשיק שליט"א.
עס איז געשלאסן געווארן די שידוך פון א אייניקל ביי כ"ק אדמו"ר מאסטראוו קאלושין זצ"ל, די חתן א זון פון זיין זון הגה"צ ר' ישראל שמחה שפיגל שליט"א, איידעם ביי הגה"צ ר' אלי' מרדכי פישער שליט"א ממאטערסדארף, מיט די כלה א טאכטער פון הגה"צ ר' ישראל יעקב טירנויער שליט"א, זון פון הגה"צ ר' אלימלך טירנויער שליט"א פון קרית טאהש, און איידעם ביי הגה"צ ר' סיני מאלוויצקי שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
