היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין עלטסטן איידעם הגה"צ ר' העניך אשכנזי שליט"א אבד"ק אבני צדק אין קרית יואל, בן הנולד ביי זיין איידעם הרב דוד אלימלך האלבערשטאם שליט"א, זון פון הגה"צ אבד"ק וראה"כ מנחת חינוך טארטיקוב שליט"א. – די שמחה קומט פאר אין ביהמ"ד אבני צדק אין קרית יואל.
היינט קומט פאר די שמחת הבר מצוה פון א אייניקל ביי כ"ק אדמו"ר מקאשוי שליט"א, א זון פון זיין זון הרב משה אליעזר בלום שליט"א, איידעם ביי הגה"צ ר' ברוך ראזענבוים שליט"א אבד"ק נאנאש וומס"ב. – די שמחה קומט פאר אין קאנטינענטאל זאל אין וויליאמסבורג.
היינט כ"ד אייר געפאלט די יומא דהילולא קדישא פון כ"ק אדמו"ר הרה"ק רבי אלעזר מקיוויאשד זי"ע בעל למטה יששכר, די אייניקלעך האדמורי"ם והרבנים וועלן ארויפגיין צום ציון הק' אויפן בית החיים אין ניו דזשערזי להיפקד בדבר ישועה ורחמים.
היינט אויפדערנאכט וועט כ"ק אדמו"ר מזוועהיל שליט"א ארויפגיין בראש קהל חסידיו צום ציון הק' פון זקינו הרה"ק רבי שלמה'קע זוועהילער זי"ע אויפן הר הזיתים, לרגל די אכציגסטע הילולא קדישא , שנת היסו"ד, וואס געפאלט דעם שבת קודש יסוד שביסוד.
כ"ק אדמו"ר מבוהוש שליט"א וועט היינט ארויספארן אויף א נסיעה צו די מקומות הקדושים אין גליל בראש קהל חסידיו, צוערשט וועט מען אנקומען אויף א תפילת רבים ביים ציון פונעם אר"י הקדוש זי"ע אין שטאט צפת, און דערנאך א תפילת רבים ביים ציון הק' פון התנא האלקי רבי שמעון בר יוחאי אין אתרא קדישא מירון.
היינט קומט פאר אן עצרת הספד והתעוררות צו די פטירה פון הגה"צ רבי יחזקאל שרגא דוד היילפערין זצ"ל רב ביהמ"ד צאנז אין רמות, בבית מדרשו פון זיין שווער כ"ק אדמו"ר מסטראפקוב שליט"א אויף רחוב מאה שערים, עס וועלן מספיד זיין כ"ק אדמו"ר מסטראפקוב שליט"א, כ"ק גאב"ד ראדאמישלא שליט"א פאטער פונעם רב זצ"ל, המשפיע הגה"צ ר' נחמן בידערמאן שליט"א מלעלוב א מחותן, און נאך עטליכע קרובי המשפחה.
היינט קומט פאר די ערשטמאליגע "סאטמארק" ביזנעס עקספאו, וואו הונדערטער סאטמארער ביזנעסלייט וועלן זיך צוזאמקומען און מקיים זיין דעם וחי אחיך עמך, אין די גיגאנטישע RCC קאמפלעקס אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
