שמחת בית דינוב: דעם שבת קומט פאר די שמחת האויפרוף פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' שלמה ראבינאוויטש שליט"א אבד"ק דינוב ב"פ, איידעם ביי הגה"צ ר' שמואל גרויס שליט"א מקערעסטיר בערבעשט, מיט די כלה א טאכטער פון הגה"צ ר' אשר אדלער שליט"א אבד"ק סערעדנא מאנסי, איידעם ביי הגה"צ ר' מאיר שמואל קליינמאן זצ"ל אבד"ק מארגארעטען. – די שמחת האויפרוף קומט פאר אין ביהמ"ד דינוב אין בארא פארק. דער זיידע כ"ק אדמו"ר מדינוב שליט"א איז צוגאסט אויף שבת אין בארא פארק לכבוד די שמחה, און וועט אפרעכטן די תפילות און טישן בבית מדרשו.
דעם שבת קומט פאר די גרויסע שבת המייסדים פאר די תומכים און נדיבים פון מוסדות טאהש אין ניו יארק, אין שפיץ פון כ"ק אדמו"ר מטאהש שליט"א וועלכער וועט צום ערשטן מאל פראווענען א ספעציעלע שבת מיט נדיבי לב, עס קומט פאר אין א פראכטפולע האטעל אין פארסיפעני ניו דזשערזי.
כ"ק אדמו"ר מוויזניץ שליט"א וויילט דעם שבת אין מושב אורה אויף אפרוה.
כ"ק אדמו"ר מתולדות אהרן שליט"א וויילט דעם שבת אין עיה"ק צפת אויף אפרוה.
כ"ק אדמו"ר מוויזניץ שליט"א פון מאנסי איז צוגאסט אויף דעם שבת אין טאראנטא לטובת מוסדותיו הקדושים, די תפילות און טישן קומען פאר אין בנין פון ישיבת יסודי התורה, די אכסניא איז אין שטוב פון הנגיד החסיד ר' מרדכי איינהארן הי"ו.
כ"ק אדמו"ר מוויען שליט"א איז צוגאסט אויף דעם שבת אין בארא פארק בקרב חסידיו, די תפילות און טישן און די שיעור פרקי אבות שבת נאכמיטאג, קומען פאר אינעם בנין פון מתיבתא עץ חיים ד'באבוב.
כ"ק אדמו"ר מתולדות צבי ספינקא שליט"א איז צוגאסט אויף דעם שבת אין בארא פארק בקרב חסידיו, די תפילות און טישן קומען פאר בבית מדרשו.
כ"ק אדמו"ר מדושינסקיא שליט"א איז צוגאסט אויף דעם שבת בקרב חסידיו אין הר יונה, צום ערשטן מאל זינט די התייסדות הקהילה אין הר יונה נוף הגליל.
כ"ק אדמו"ר משומרי אמונים שליט"א פון אשדוד וועלכער איז צוגאסט די טעג אין מאנסי לרגל די שמחת הבר מצוה פון א אייניקל, וועט פראווענען דעם שבת אין ביהמ"ד סטאניסלאוו, בבית מדרשו פון מחותנו כ"ק אדמו"ר מסטאניסלאוו שליט"א, די טיש פרייטאג צונאכטס וועט פארקומען אין שטוב פון הנגיד החסיד ר' שמואל ישראל הלוי איש הורוויץ הי"ו.
כ"ק אדמו"ר מפאלטישאן שליט"א איז צוגאסט אויף דעם שבת אין מאנטריאל בקרב חסידיו, די תפילות און טישן קומען פאר בבית האכסניא אין שטוב פון הרב החסיד ר' שלום געשטעטנער הי"ו.
הרב שלום רוקח שליט"א נכדו הגדול פון כ"ק אדמו"ר מבעלזא שליט"א, איז צוגאסט אויף דעם שבת בקרב חסידי בעלזא אין מאנטריאל.
דעם שבת יסוד שביסוד געפאלט די אכציגסטע הילולא קדישא פון הרה"ק רבי שלמה'קע זוועהילער זי"ע, פילע חסידי זוועהיל וועלן מיטהאלטן א שבת התאחדות בצל הקודש פון כ"ק אדמו"ר מזוועהיל שליט"א אין שטאט ביתר.
דעם שבת קומט פאר א שבת התאחדות פאר תלמידי וחסידי סאטמאר אין מאנטריאל אין שפיץ פון די רבני הקהילה, עס קומט פאר אין סאראטאגא ספרינגס אין ניו יארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
