היינט הייבט זיך אן די מעמדי קשר אחד אינעם שנת העשרים, לטובת איחוד מוסדות באבוב 45, עס קומט פאר דורכאויס די וואך פון פרשת במדבר, יעדע נאכט פאר א צווייטע יארגאנג אין די קהילה, אין די עמינענס זאלן אין בארא פארק, אין שפיץ פון כ"ק אדמו"ר מבאבוב 45 שליט"א.
היינט קומט פאר אין בארא פארק א רייכע מסיבה "הבונים" לטובת די קרן הבנין פון די נייע ראחמיסטריווקא בית המדרש אין אוקוויין, עס קומט פאר אין די נייע הויז פון הנגיד החסיד בנש"ק הרב יוחנן טווערסקי שליט"א אויף די זיבן און פופציגסטע סטריט אין בארא פארק, אין שפיץ פון כ"ק האדמורי"ם מראחמיסטריווקא שליט"א.
היינט קומט פאר אין מאנטריאל די גרויסע דינער "לב למלכות" לטובת מרכז מוסדות בעלזא, עס קומט פאר אין שפיץ פון הרב שלום רוקח שליט"א, נכדו הגדול פון כ"ק אדמו"ר מבעלזא שליט"א.
היינט קומט פאר א מעמד קבלת פנים "בית צדיקים יעמוד" לכבודו פון כ"ק אדמו"ר מפאלטישאן שליט"א, וועלכער איז אנגעקומען צוגאסט קיין מאנטריאל, עס קומט פאר אין שטוב פון הנגיד החסיד ר' שלום געשטעטנער הי"ו.
היינט כ"ז אייר געפאלט די יומא דהילולא קדישא פון הרה"ק רבי אליעזר זאב מקרעטשניף זי"ע, די אייניקלעך כ"ק האדמורי"ם לבית נדבורנא און קרעטשניף שליט"א וועלן אפרעכטן די יארצייט טישן ברוב עם.
הגה"צ ר' מאיר גרינוואלד שליט"א דומ"ץ פאפא בן כ"ק אדמו"ר מפאפא שליט"א, לאזט זיך היינט ארויס אויף א נסיעה צו די מקומות הקדושים אין אונגארן און פוילין, לרגל די יומא דהילולא קדישא פון הרה"ק בעל קרן לדוד זי"ע, און לקראת די שמחת החתונה פון בנו החתן וואס קומט פאר דעם חודש סיון.
אריינצושיקן מודעות און נייעס, שיקט אן אימעיל צו NEWS@JDNMAIL.COM
