כ"ק אדמו"ר מלעלוב שליט"א פון ב"פ קומט היינט אן אויף א באזוך בקרב חסידיו אין ארץ ישראל, וואו דער רבי וועט פראווענען דעם קומענדיגן יו"ט שבועות בבית מדרשו אין אלטשטאט ירושלים.
היינט קומט פאר די שמחת הבר מצוה פון א אייניקל ביי כ"ק אדמו"ר מוויזניץ שליט"א פון ירושלים, הב' משה יהושע זון פון זיין זון הרב חיים מאיר האגער שליט"א, איידעם ביי כ"ק אדמו"ר מטעמעשוואר זצ"ל. – די שמחה קומט פאר אין די נייע באבובער זאל אולם דוד שארף אין בארא פארק.
שמחת בית וויען: עס איז געשלאסן געווארן די שידוך פון א אייניקל ביי כ"ק אדמו"ר מוויען שליט"א, די חתן א זון פון זיין איידעם הרב יואל ווייסמאנדל שליט"א, זון פון הגה"צ ר' מנחם מאיר ווייסמאנדל שליט"א אבד"ק נייטרא מאנסי, מיט די כלה א טאכטער פון הרב ר' פנחס אלי' קופפערמאן שליט"א, איידעם ביי הגה"צ ר' חיים אויש שליט"א אבד"ק וואולקאן.
עס איז געשלאסן געווארן די שידוך פון א אור אייניקל ביי כ"ק אדמו"ר ממעליץ שליט"א, אייניקל פון בנו הגדול הגה"צ ר' ברוך הורוויץ שליט"א דומ"ץ מעליץ, די חתן א זון פון זיין זון הרב יואל הורוויץ שליט"א, איידעם ביי הגה"צ ר' יעקב מערץ שליט"א אדמו"ר מתפארת יחזקאל, מיט די כלה א טאכטער פון הרב נתנאל מנחם דייטש שליט"א אב"ד פאטא, איידעם ביי הרה"ג ר' צבי שטערן זצ"ל אבד"ק תורת ישראל.
עס איז געשלאסן געווארן די שידוך פונעם חתן א זון פון הרב אברהם ברוך אלטמאן שליט"א, זון פון כ"ק אדמו"ר מחוג חתם סופר שליט"א, און איידעם ביי הגה"צ ר' מרדכי געלבער שליט"א אבד"ק מונקאטש ב"ב, איידעם ביי הגה"צ גאב"ד זכרון מאיר בעל מחשבת הלוי זצ"ל, מיט די כלה א טאכטער פון הרב ראובן יעקב יוסף קארנרייך שליט"א, זון פון כ"ק אדמו"ר משידלובצא שליט"א, און איידעם ביי הגה"צ ר' שאול גאלדמאן שליט"א, זון פון כ"ק אדמו"ר מזוועהיל זצ"ל בעל אור אברהם.
אריינצושיקן מודעות און נייעס, שיקט אן אימעיל צו NEWS@JDNMAIL.COM
