שמחת בית זוועהיל – טרעבישאן – פינסק קארלין: עס איז געשלאסן געווארן די שידוך פונעם חתן א זון פון כ"ק אדמו"ר מזוועהיל שליט"א, אייניקל פון כ"ק אדמו"ר מראחמיסטריווקא זצ"ל, מיט די כלה א טאכטער פון כ"ק אדמו"ר מטרעבישאן שליט"א, איידעם ביי כ"ק אדמו"ר מפינסק קארלין שליט"א.
שמחת בית טשערנאביל – קאסאני – מעליץ: עס איז געשלאסן געווארן די שידוך פון חתן כלה אייניקלעך פון כ"ק אדמו"ר מטשערנאביל שליט"א, די חתן א אייניקל פון זיין עלטסטן איידעם כ"ק אדמו"ר מקאסאני ב"ב שליט"א, א זון פון זיין זון הגה"צ ר' חיים יצחק ראטטענבערג שליט"א, איידעם ביי זיין עלטער פעטער כ"ק אדמו"ר ממעליץ שליט"א פון אשדוד, מיט די כלה א טאכטער ביים רבינ'ס איידעם הגה"צ ר' חיים מאיר ראטטענבערג שליט"א ראש ישיבת וויזניץ בית שמש, זון פון כ"ק אדמו"ר מקאסאני שליט"א, איידעם ביי כ"ק אדמו"ר מוויזניץ זצ"ל בעל תורת מרדכי.
שמחת בית ספינקא: עס איז געשלאסן געווארן די שידוך פון א אייניקל ביי כ"ק אדמו"ר מתולדות צבי ספינקא שליט"א, די חתן א זון פון זיין איידעם הגה"צ ר' אהרן צבי טערקלטויב שליט"א, זון פון הגה"צ אבד"ק אשוי שליט"א, מיט די כלה א טאכטער פון הגה"צ ר' חיים לייב כהנא שליט"א, זון פון כ"ק אדמו"ר מספינקא ירושלים זצ"ל, און איידעם ביי הגה"צ ר' יודא אליעזר יונגער שליט"א אב"ד קהל יראים מאנסי.
היינט קומט פאר די כינוס להמשיך בחצר הקודש סקולען, אוועקצושטעלן א פעסטע פינאנציעלע יסוד פאר די קהילה קדושה ישועת ישראל סקולען, בית מדרשם פון צדיקי בית סקולען זי"ע, עס קומט פאר אין ביהמ"ד סקולען אין בארא פארק, אין שפיץ פון כ"ק אדמו"ר מסקולען שליט"א.
היינט קומט פאר די יערליכע דינער "יעלה כוללנו" לטובת כולל אמת ואמונה וויזניץ אין מאנסי, אין זאל פון וואלי טערעס בבנין ישיבה ספרינג וואלי, אין שפיץ פון כ"ק אדמו"ר מוויזניץ שליט"א פון מאנסי.
היינט קומט פאר די יערליכע דינער לטובת כולל אמרי חיים וויזניץ אין בארא פארק, אין זאל פון בית אסתר, אין שפיץ פון כ"ק אדמו"ר מוויזניץ שליט"א פון בארא פארק.
היינט ערב ראש חודש סיון, וועט כ"ק אדמו"ר מתולדות אהרן שליט"א אנקומען אויף א תפילת רבים ביים ציון הק' פון התנא האלקי רבי שמעון בר יוחאי אין אתרא קדישא מירון, אינאיינעם מיט די ילדי התלמוד תורה פון תולדות אהרן אין עיה"ק טבריה, וואו מען וועט זאגן תפילת השל"ה בצוותא חדא, און מעתיר זיין פאר די תורמים פאר די קרן הבנין פון די נייע תלמוד תורה געביידע דחסידי תולדות אהרן אין טבריה.
היינט קומט פאר די גרויסע כינוס פאר כלל תלמידי וחסידי שאפראן, צום יובל החמישים זינט די התייסדות המוסדות, עס קומט פאר אינעם ריזן אינדעגא פעסטונג נעבן וויליאמסבורג בראשות אדמורי"ם ורבנים.
כ"ק אדמו"ר מראחמיסטריווקא שליט"א פון ספרינג וואלי וועט היינט אויפדערנאכט אפרעכטן שולחנו הטהור לכבוד ראש חודש, און דערביי אויפטרעטן מיט א שמועס הכנה לחג השבועות.
היינט קומט פאר א ספעציעלע אסיפה "שמחה בשלימות" דורך מפעל שובע שמחות אין שיכון סקווירא, אוועקצושטעלן פרישע סטאנדארטן מיט ביליגע חתונה הוצאות, עס קומט פאר אין ביהמ"ד הגדול אין שיכון סקווירא.
כ"ק אדמו"ר מפאפא שליט"א וועט היינט אויפדערנאכט ראש חודש סיון אפרעכטן די יארצייט טיש און סיום ששה סדרי משנה, לרגל די יומא דהילולא קדישא פונעם פעטער הרה"ק בעל קרן לדוד זי"ע, בהיכל ביהמ"ד הגדול פאפא אין וויליאמסבורג.
כ"ק אדמו"ר מנדבורנא באניא שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זיין פאטער כ"ק אדמו"ר מנדבורנא צפת זצ"ל, בבית מדרשו אויף רחוב דוד אין ירושלים.
היינט קומט פאר די מעמד הכנסת ספר תורה וואס ווערט אריינגעגעבן צום היכל ביהמ"ד אין קרית שומרי אמונים אין ירושלים, נדבת משפחת קליערס שיחי', אין שפיץ פון הגה"צ ראש ישיבת שומרי אמונים שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
