שמחת בית דינוב: היינט קומט פאר די שמחת החתונה פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' שלמה ראבינאוויטש שליט"א אבד"ק דינוב ב"פ, איידעם ביי הגה"צ ר' שמואל גרויס שליט"א מקערעסטיר בערבעשט, מיט די כלה א טאכטער פון הגה"צ ר' אשר אדלער שליט"א אבד"ק סערעדנא מאנסי, איידעם ביי הגה"צ ר' מאיר שמואל קליינמאן זצ"ל אבד"ק מארגארעטען. – די שמחת החתונה קומט פאר אין זאל תפארת עלקא אין מאנסי.
שמחת בית סקולען וומס"ב: היינט קומט פאר די שמחת הבר מצוה פון די יונגסטע קינד ביי כ"ק אדמו"ר מסקולען שליט"א פון וויליאמסבורג, אין די נייע ביהמ"ד מאור ישראל דחסידי סקולען אין ניי וויליאמסבורג.
שמחת בית טשערנאביל – קאסאן: היינט קומט פאר די שמחת התנאים פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' יהוסף יחזקאל ראטטענבערג שליט"א ראש ישיבת עטרת צבי אין לעיקוואד, זון פון כ"ק אדמו"ר מקאסאן לעיקוואד שליט"א, מיט די כלה א טאכטער פון הגה"צ ר' חיים מאיר טווערסקי שליט"א אב"ד אוסטילא מאנסי, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מקאסאני שליט"א. – די שמחה קומט פאר אין זאל בנות ישראל וויזניץ אויף 229 מעיפל אין מאנסי.
היינט נאכט ב' סיון געפאלט די יומא דהילולא קדישא פון הרה"ק בעל אהבת ישראל מוויזניץ זי"ע, פילע אידן וועלן פוקד זיין דעם ציון הק' אויפן וויזניצע בית החיים אין בני ברק להיפקד בדבר ישועה ורחמים, אין ביהמ"ד הגדול אין קרית וויזניץ בני ברק קומט פאר היינט אויפדערנאכט א גרויסע יארצייט סעודה, אין שפיץ פון די אייניקלעך הגה"צ ר' מנחם ארנסטר שליט"א ראש ישיבת וויזניץ, און הגה"צ ר' חיים מאיר האגער שליט"א אב"ד קרית וויזניץ ב"ב.
כ"ק אדמו"ר מוויזניץ שליט"א פון מאנסי וועט היינט פארנאכטס אפרעכטן דעם יארצייט טיש לרגל די הילולא קדישא, אינאיינעם מיטן שולה"ט לכבוד ראש חודש, און די ארומע סעודה לקראת די שמחת החתונה פון א אייניקל, די חתן א זון פון בנו הגדול הגה"צ ר' יעקב יוסף האגער שליט"א, איידעם ביי כ"ק אדמו"ר מסקווירא שליט"א.
כ"ק אדמו"ר מסערט וויזניץ שליט"א וועט היינט פארנאכטס אנקומען בראש קהל חסידיו אויף א תפילת רבים ביים שריד בית מקדשינו דער כותל המערבי, און דערנאך פוקד זיין דעם ציון הק' פון זקינו הרה"ק בעל אהבת ישראל מוויזניץ זי"ע לרגל די יומא דהילולא קדישא וואס געפאלט היינט נאכט ב' סיון.
היינט קומט פאר אין בארא פארק די יערליכע דינער לטובת צדקת רבי מאיר בעל הנס כולל חבת ירושלים, אין די נייע הייטנער זאל בבנין ת"ת באבוב, אין שפיץ פון די אדמור"י ורבני העיר.
היינט קומט פאר א יום שכולו תורה בחצר הקודש טאהש, צום גרויסן מגבית לטובת די כולל אברכים תפארת מרדכי אין קרית טאהש, עס קומט פאר אין די הערליכע ארמון פלאזא האטעל אין מאנטריאל, אין שפיץ פון כ"ק אדמו"ר מטאהש שליט"א וועלכער וועט דערביי אפרעכטן שולחנו הטהור לכבוד ראש חודש.
היינט קומט פאר די יערליכע דינער "על מכונו" לטובת תלמוד תורה זכר יוחנן ראחמיסטריווקא אין לעיקוואד, אין די נייע בערו זאל אין לעיקוואד, אין שפיץ פון כ"ק אדמו"ר מראחמיסטריווקא שליט"א פון לעיקוואד.
היינט קומט פאר א כינוס חלקנו בתורתך פאר כלל תלמידי ישיבות צאנז קלויזענבורג, אין שפיץ פון כ"ק אדמו"ר מצאנז קלויזענבורג שליט"א.
היינט קומט פאר א מעמד "והראנו בבנינים" פאר חסידי סקווירא אין מאנטריאל, אויפצוטרייבן סכומים אדירים פאר די נייע קרית הישיבות דחסידי סקווירא, עס קומט פאר אין שפיץ פון הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א, וועלכער קומט אן אויף א בליץ באזוך קיין מאנטריאל צו באשיינען די מעמד.
היינט קומט פאר אין מאנסי די מסיבה שלשה שותפים לטובת ישיבה ומתיבתא אהל שלמה צאנז זוועהיל אין יוניאן סיטי, עס קומט פאר אין שטוב פון הגה"צ ר' יחיאל מיכל גאלדמאן שליט"א אבד"ק זוועהיל מאנסי, אין שפיץ פון כ"ק אדמו"ר מצאנז זוועהיל שליט"א.
כ"ק אדמו"ר מוויזניץ שליט"א פון ירושלים לאזט זיך היינט ארויס אויפן וועג קיין ארץ ישראל, וואו דער רבי וועט פראווענען דעם קומענדיגן יו"ט שבועות בקרב חסידיו אין עיה"ק ירושלים.
כ"ק אדמו"ר מבלאזוב ריבאטיטש שליט"א קומט היינט אן קיין לעיקוואד, וואו דער רבי וועט איבערגעבן א שמועס הכנה לקבלת התורה, אין שטוב פון הרב החסיד ר' אברהם אבא קארפיאל הי"ו.
היינט קומט פאר די מעמד הכנסת ספר תורה וואס ווערט אריינגעגעבן צום נייעם ביהמ"ד אין קרית צאנז טבריה, לע"נ הרב החסיד ר' יחיאל יו"ט קרויס ע"ה, אין שפיץ פון כ"ק אדמו"ר מצאנז שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום נייעם סאטמארע בית המדרש שכונת ווערנאן אין וויליאמסבורג, נדבת הרב החסיד ר' דוד פעלדמאן הי"ו.
היינט קומט פאר די מעמד הכנסת ספר תורה וואס ווערט אריינגעגעבן צום בית החסידים ד'גור ברכת אליהו אין בארא פארק, לע"נ הגאון החסיד ר' אליהו פישער ז"ל מייסד הביהמ"ד.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תפלה לדוד ביאלא אין שטאט ביתר, אין שפיץ פון כ"ק אדמו"ר מביאלא ב"ב שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
