שמחת בית תולדות אברהם יצחק: דעם שבת קומט פאר די שמחת האויפרוף פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון בנו הגדול הגה"צ ר' אהרן קאהן שליט"א ראש הישיבה, איידעם ביי כ"ק אדמו"ר מקאסוב ירושלים זצ"ל, מיט די כלה א טאכטער פון הרב שמעון דוב בראנדסדארפער שליט"א, זון פון הגה"צ ר' מאיר בראנדסדארפער זצ"ל בעל קנה בושם וחבר ביד"ץ העדה החרדית. – די שמחת האויפרוף קומט פאר אין ביהמ"ד הגדול תולדות אברהם יצחק אין ירושלים עיה"ק.
שמחת בית טשערנאביל – דעעש – מעליץ – ברעזאן – ראדאמישלא: דעם שבת קומט פאר די שמחת האויפרוף פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם כ"ק אדמו"ר מברעזאן שליט"א פון ירושלים, זון פון כ"ק גאב"ד ראדאמישלא רמות שליט"א, מיט די כלה א טאכטער פון הגה"צ ר' שלום מאסקאוויטש שליט"א, זון פון כ"ק אדמו"ר ממעליץ שליט"א פון אשדוד, און איידעם ביי כ"ק אדמו"ר מדעעש שליט"א. – די שמחת האויפרוף קומט פאר אין ביהמ"ד הגדול טשערנאביל אין בני ברק.
שמחת בית ראחמיסטריווקא – סוליצא – זוועהיל: עס איז געשלאסן געווארן די שידוך פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' מאיר יוסף רובין שליט"א דומ"ץ ראחמיסטריווקא, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' יחיאל מיכל גאלדמאן שליט"א אבד"ק זוועהיל מאנסי.
עס איז געשלאסן געווארן די שידוך פונעם חתן א זון פון הגה"צ ר' ישעי' רובין שליט"א אבד"ק קערעסטיר וויליאמסבורג, מיט די כלה א טאכטער פון הגה"צ ר' אברהם מנחם שפיגל שליט"א אבד"ק ראוונא, איידעם ביי כ"ק אדמו"ר מקארלסבורג מאנטריאל שליט"א, אור אייניקל פון כ"ק אדמו"ר מספינקא אנטווערפן שליט"א.
כ"ק אדמו"ר מוויזניץ שליט"א פון ירושלים וועלכער איז צוגאסט אויף יו"ט שבועות בקרב חסידיו אין ארץ ישראל, וועט פראווענען דעם שבת בבית מדרשו קהל תורת חיים וויזניץ אויף רחוב אדוניהו הכהן אין ירושלים.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת בקרב חסידיו אין די רמה ד' געגנט אין בית שמש, די תפילות און טישן קומען פאר בבית מדרשו קהל תורת מרדכי וויזניץ.
כ"ק גאב"ד מאקאווא שליט"א וועט מוצאי שבת ארויספארן אויפן וועג קיין אוקראינע, וואו דער רב וועט וויילן אויף יו"ט שבועות אין שטאט מעזיבוזש, סמוך ונראה צום ציון הק' פונעם הייליגן בעל שם טוב זי"ע.
ניחום אבלים:
כ"ק אדמו"ר מחוסט שליט"א זיצט שבעה די טעג צו די פטירה פון זיין עלטערן ברודער הגה"צ ר' אלעזר יונה גינזבערג זצ"ל אב"ד אגודת אחים, דער רבי זיצט ביז ערב יו"ט נאכמיטאג אין זיין שטוב אויף די פיר און פופציגסטע סטריט אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
