כ"ק אדמו"ר מגור שליט"א קומט היינט אן צוגאסט קיין ניו יארק, אויפצוטרייבן פינאנציעלע שטיצע לטובת די קרן הצלת עולם התורה דחסידי גור.
היינט קומט פאר די גרויסארטיגע מעמד אדירי התורה דורך ישיבה בית מדרש גבוה ד'לעיקוואד, עס קומט פאר אין די גיגאנטישע וועלס פערגא צענטער אין פילאדעלפיע בראשות גדולי ומאורי הדור, אלס אורח הכבוד וועט אויפטרעטן דער חשובער גאסט פון ארץ ישראל ראש הישיבה הגאון הגדול רבי עזריאל אויערבאך שליט"א.
שמחת בית באבוב 45: היינט קומט פאר די שמחת החתונה פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון זיין איידעם הגה"צ ר' שמחה רובין שליט"א, זון פון הגה"צ אבד"ק ציעשנוב שליט"א, איידעם ביי כ"ק אדמו"ר מסטריזוב שליט"א, מיט די חתן א זון פון הגה"צ ר' יחזקאל דוב האלבערשטאם שליט"א, זון פון הגה"צ ר' משה יהושע האלבערשטאם שליט"א אבד"ק סארוואש, און איידעם ביי הגה"צ ר' ישראל ארנסטר שליט"א, אור אייניקל פון כ"ק אדמו"ר מטשענסקאוויץ פאקשעוויץ שליט"א, דאפלטע אייניקל פון הרה"ק בעל קדושת ציון מבאבוב זי"ע. – די שמחת החתונה קומט פאר אין ביהמ"ד הגדול באבוב 45 אין בארא פארק.
שמחת בית אמונת ישראל – תולדות יהודה סטוטשין – סערדאהעלי – שבט הלוי – גארליץ: היינט קומט פאר די שמחת החתונה פונעם חתן א זון פון הגה"צ אבד"ק אמונת ישראל שליט"א, זון פון כ"ק אדמו"ר מתולדות יהודה סטוטשין שליט"א, און איידעם ביי כ"ק אדמו"ר מסערדאהעלי שליט"א, מיט די כלה א טאכטער פון הגה"צ ר' יואל אלישע וואזנער שליט"א, זון פון כ"ק אדמו"ר משבט הלוי וגאב"ד זכרון מאיר שליט"א, און איידעם ביי כ"ק אדמו"ר מגארליץ שליט"א. – די שמחת החתונה קומט פאר אין זאל עטרת גאלדא אין בארא פארק.
היינט קומט פאר די שמחת החתונה פונעם חתן א זון פון הגה"צ ר' ברוך אברהם פיש שליט"א אב"ד האנשאוויץ, זון פון הגה"צ ר' ישראל פיש שליט"א מסאלקא, און איידעם ביי הגה"צ אבד"ק קאלביסוב שליט"א, מיט די כלה א טאכטער פון הגה"צ ר' דוד געלדצעהלער שליט"א אב"ד וראש ישיבת סטריא, איידעם ביי כ"ק אדמו"ר מנדבורנא שליט"א פון בארא פארק. – די שמחת החתונה קומט פאר אין זאל אור החיים וויזניץ אין בארא פארק.
היינט קומט פאר די שמחת החתונה פונעם חתן א זון פון הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א, מיט די כלה א טאכטער פון הגה"צ ר' בנציון בערנשטיין שליט"א, איידעם ביי כ"ק אדמו"ר מלעלוב קארלין זצ"ל. – די שמחת החתונה קומט פאר אין זאל היכלי מלכות אין בני ברק.
שמחת בית טשערנאביל: היינט קומט פאר די שמחת החתן מאהל פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' מרדכי טווערסקי שליט"א, זון פון כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' אשר אנשיל לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי הגה"צ ר' דוד טווערסקי שליט"א אב"ד ראחמיסטריווקא ירושלים. – די שמחת החתן מאהל קומט פאר אין ביהמ"ד הגדול טשערנאביל אין בני ברק.
שמחת בית קרעטשניף סיגעט – נדבורנא לינסק: היינט קומט פאר די שמחת התנאים פון א אייניקל ביי כ"ק אדמו"ר מקרעטשניף סיגעט שליט"א, די חתן א זון פון זיין זון הגה"צ ר' יחזקאל שרגא ראזענבוים שליט"א אבד"ק קרעטשניף סיגעט וומס"ב, איידעם ביי הגה"צ ר' מאיר שנעעבאלג שליט"א אב"ד האניפאלי, מיט די כלה א טאכטער פון הגה"צ ר' איתמר ראזענבוים שליט"א, זון פון כ"ק אדמו"ר מנדבורנא לינסק שליט"א, און איידעם ביי הגה"צ אב"ד נאפקור שליט"א. – די שמחה קומט פאר אין זאל פון ת"ת פאפא אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מביאלא בני ברק שליט"א, א זון פון זיין איידעם הגה"צ ר' מנחם שלמה טויב שליט"א, זון פון הגה"צ ר' אליעזר צבי טויב שליט"א אב"ד קאלוב ביתר, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחה קומט פאר אין ביהמ"ד ביאלא בני ברק.
היינט קומט פאר די שמחת הבר מצוה פון א זון ביי הגה"צ ר' חיים מרדכי לעמבערגער שליט"א, זון פון הגה"צ אבד"ק מאקאווא אלעד זצ"ל, און איידעם ביי כ"ק אדמו"ר מלוצק שליט"א, איידעם ביי כ"ק אדמו"ר מאלכסנדר שליט"א. – די שמחה קומט פאר אין לוצקער בית המדרש אין ירושלים.
היינט קומט פאר אין קרית יואל א גרויסע מעמד כינוס לכהנים, צוגעשטעלט דורך התאחדות אברכים ד'סאטמאר צו קלארשטעלן די הוראות והדרכות בנוגע טומאת כהנים, עס קומט פאר אינעם בנין פון מבצר הכוללים אין קרית יואל.
כ"ק אדמו"ר מקיוויאשד שליט"א פארט היינט ארויס אויף א בליץ באזוך קיין לאנדאן, צו באשיינען די שמחת החתונה פון די יונגסטע קינד ביים ברודער הגה"צ ר' ברוך נתן האלבערשטאם שליט"א אבד"ק סאטמאר לאנדאן.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דקהל יטב לב ד'סאטמאר אין וויליאמסבורג, נדבת הרב החסיד ר' שמואל גרויס הי"ו, אין שפיץ פון כ"ק אדמו"ר מסאטמאר שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום בעלזא בית המדרש אויף וואיאולע אין מאנסי, נדבת הרה"ג ר' שמואל אלטר שפירא שליט"א דומ"ץ הביהמ"ד, לע"נ בנו הילד ישראל ארי' נ"י, אייניקל פון כ"ק אדמו"ר מנאראל שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד בית מנחם ליובאוויטש אין בארא פארק, לע"נ הגאון החסיד ר' יואל כהן ז"ל חוזר ראשי פון כ"ק אדמו"ר מליובאוויטש זצ"ל.
ניחום אבלים:
צו די פטירה פון הרבנית מקאזניץ ע"ה, טאכטער פון כ"ק אדמו"ר מקאסוב זצ"ל, זיצן שבעה די בני המשפחה אין איר שטוב אויף די זעכציגסטע סטריט אין בארא פארק, איר מאן הגה"צ ר' ישכר רובין שליט"א אבד"ק קאזניץ, די ברידער כ"ק האדמורי"ם מקאסוב שליט"א און די ברידער הרבנים, די מאמע הרבנית מקאסוב תליט"א, און די קינדער און געשוויסטער.
אריינצושיקן מודעות און נייעס, שיקט אן אימעיל צו NEWS@JDNMAIL.COM
