שמחת בית סקווירא – וויזניץ: היינט קומט פאר די שמחת החתונה פונעם חתן א זון פון הגה"צ ר' יעקב יוסף האגער שליט"א, בנו הגדול פון כ"ק אדמו"ר מוויזניץ שליט"א פון מאנסי, און איידעם ביי כ"ק אדמו"ר מסקווירא שליט"א, מיט די כלה א טאכטער פון הגה"צ ר' אברהם מאנדרער שליט"א אדמו"ר מקאסוב לאנדאן, איידעם ביי כ"ק אדמו"ר מקאסאן לאנדאן שליט"א. – די שמחת החתונה קומט פאר אין ביהמ"ד הגדול והחדש אין שיכון סקווירא.
שמחת בית טשערנאביל: היינט קומט פאר די שמחת החתונה פון א אור אייניקל ביי כ"ק אדמו"ר מטשערנאביל שליט"א, אייניקל פון זיין עלטסטן איידעם הגה"צ ר' יעקב אלעזר ראטטענבערג שליט"א אדמו"ר מקאסאני, די חתן א זון פון זיין איידעם הרב מאיר מאסקאוויטש שליט"א ר"ם בישיבת סאטמאר אין קוממיות, זון פון הגה"צ ר' יצחק אלעזר מאסקאוויטש שליט"א אדמו"ר משאץ, מיט די כלה א טאכטער פון הרב ליפא טייטלבוים שליט"א, זון פון כ"ק אדמו"ר מאלעסק ירושלים שליט"א, און איידעם ביי הגה"צ ר' יוסף נחמי' הירשלער שליט"א, אור אייניקל פון כ"ק אדמו"ר מראחמיסטריווקא זצ"ל פון ירושלים. – די מעמד קבלת פנים און חופה קומט פאר אין ביהמ"ד הגדול טשערנאביל, און די שמחת החתונה אין זאל הדקל אין בני ברק.
שמחת בית נדבורנא – קוסוב וויזניץ: היינט קומט פאר די שמחת החתונה פון א אייניקל ביי כ"ק אדמו"ר מנדבורנא שליט"א, די כלה א טאכטער פון זיין איידעם הגה"צ ר' ברוך קארנרייך שליט"א, זון פון כ"ק אדמו"ר מקוסוב וויזניץ שליט"א, מיט די חתן א זון פון הגה"צ ר' יוסף יואל גראס שליט"א אב"ד באר חיים אלעד, זון פון כ"ק אדמו"ר מהאלמין שליט"א, און איידעם ביי הגה"צ ר' אהרן סופר שליט"א אב"ד ערלוי אלעד. – די שמחת החתונה קומט פאר אינעם גרויסן אודיטוריום אויף רחוב רבינוב אין בני ברק.
שמחת בית תולדות אהרן – משכנות הרועים: עס איז געשלאסן געווארן די שידוך פון א אייניקל ביי כ"ק אדמו"ר מתולדות אהרן שליט"א, די חתן א זון פון בנו הגדול הגה"צ ר' ישראל יוסף קאהן שליט"א ראה"כ באר יוסף, איידעם ביי הרה"ג ר' נטע פערל שליט"א ראה"כ שער השמים, מיט די כלה א טאכטער פון הגה"צ ר' יוסף קאהן שליט"א ראש ישיבת עטרת אברהם, זון פון הגה"צ ר' משה קאהן שליט"א ראש ישיבת תולדות אהרן, און איידעם ביי כ"ק אדמו"ר ממשכנות הרועים שליט"א.
היינט קומט פאר די שמחת החתונה פונעם חתן א זון פון הגה"צ ר' מאיר יוסף זעלטענרייך שליט"א, זון פון הגה"צ אבד"ק טשאקאווא קערעסטיר שליט"א, און איידעם ביי כ"ק אדמו"ר מסארוואש זצ"ל, מיט די כלה א טאכטער פון הגה"צ ר' ליפא טייטלבוים שליט"א דומ"ץ בק"ק סאטמאר אנטווערפן, זון פון הגה"צ אבד"ק סלאטפינא זצ"ל, און איידעם ביי הגה"צ ר' חיים יוסף דוד ווייס שליט"א בעל ויען דוד ודומ"ץ סאטמאר אנטווערפן. – די שמחת החתונה קומט פאר אין זאל עטרת חינקא אין בארא פארק.
היינט קומט פאר די מעמד חנוכת הבית פאר די נייע בנין התלמוד תורה אמרי אמת דחסידי גור אין בארא פארק, אויפן גרויסן שטח פארנט פונעם בנין הת"ת אויף די צוועלפטע עוועניו, אין שפיץ פון כ"ק אדמו"ר מגור שליט"א וועלכער איז צוגאסט די טעג אין ניו יארק לטובת קרן הצלת עולם התורה דחסידי גור.
היינט קומט פאר די גרויסע מעמד מקושרים באהבה פאר כלל חסידי צאנז אין אמעריקע, לטובת די כוללי הש"ס דחסידי צאנז, עס קומט פאר אין די סטערלינג קאנווענשאן צענטער אין בארא פארק, אין שפיץ פון הגה"צ אבד"ק צאנז ארה"ב שליט"א, אלס נואם הכבוד וועט אויפטרעטן הגאון הגדול רבי ירוחם אולשין שליט"א ראש ישיבה בית מדרש גבוה ד'לעיקוואד.
כ"ק אדמו"ר מקראלי שליט"א פארט היינט ארויס אויף א מסע הקודש קיין פוילין אינאיינעם מיט די תלמידי הישיבה, לרגל די יומא דהילולא קדישא פון הרה"ק רבי ישכר בער הסבא קדישא מראדאשיץ זי"ע, אין די קומענדיגע טעג וועט דער רבי שליט"א פוקד זיין די קברי צדיקים אין ליזענסק, לינסק, רימנוב, סאקאלוב, לאנצוהט, און ראדאשיץ.
אריינצושיקן מודעות און נייעס, שיקט אן אימעיל צו NEWS@JDNMAIL.COM
