דעם דינסטאג איז פארגעקומען א ספעציעלע אסיפת הרבנים אין בארא פארק, וואו עס האבן זיך משתתף געווען א רייע רבנים מפורסמים דיינים און מורי הוראה, אויפן איינלאדענונג פון די מוסד בוני עולם, אין שפיץ פון הגה"צ ר' יחיאל מיכל שטיינמעטץ שליט"א דומ"ץ סקווירא ב"פ ורב האירגון.
די אסיפה איז צושטאנד געקומען נאכדעם וואס עס איז אפירגעקומען פרישע טעכניקן און עטליכע סארט באהאנדלונגען וואס קען שטארק צוניצקומען דורך די מוסד לטובת אחינו בני ישראל המצפים לישועה, און ווי פארשטענדליך דארף אזעלכע זאכן ווערן אויסגעשמועסט מיט גדולי הרבנים צו דן זיין כדת של תורה, און הערן קלארע באריכטן פון די הויכראנגיגע פראפעסארן אין דעם פעלד.
דער רב האירגון הגה"צ דומ"ץ סקווירא ב"פ שליט"א האט אויפגעטרעטן מיט ווערטער, און אלס יושב ראש האט געדינט הרה״ג רבי מרדכי הערש מייזעלס שליט״א מרבני המוסד.
עס האט אויפגעטרעטן הרה״ג ר׳ חיים לאנדא שליט"א מעדיקעל דירעקטאר פון בוני עולם, און הרב שלמה באכנער שליט"א מייסד ויו"ר.
דער פראפעסאר דאקטער דניאל זאלצמאן, האבן אויפגעטרעטן דורכאויס די אסיפה איבער פארשידענע ענינים, און צום שלוס האבן אלע רבנים געהאט די געלעגנהייט צו פרעגן שאלות פון די רבני האירגון און די פראפעסארן.
די אסיפה איז די ערשטע אין א קייט פון נאך אסיפות וועלכע וועלן נאכפאלגן אין בארא פארק און אויך אין אנדערע היימישע געגענטן.
