היינט נאכמיטאג איז נפטר געווארן הגאון הצדיק רבי אלעזר יונה גינזבערג זצ"ל, רב פון ביהמ"ד אגודת אחים אין בארא פארק, און לאנגיעריגער מרביץ תורה ומעמיד תלמידים לאלפים.
דער חשובער נפטר ז"ל איז געווען דער עלטסטער זון פון הגה"צ רבי צבי מאיר גינזבערג זצ"ל ראב"ד אגודת הרבנים, און א באליבטער אייניקל ביי כ"ק אדמו"ר הרה"ק רבי חיים שלמה מחוסט טאהש זי"ע, א זון פון הרה"ק רבי אלימלך הסבא קדישא מטאהש זי"ע, נין ונכד לצדיקי בית טאהש, חוסט, נדבורנא, און פרימישלאן זי"ע.
דער רב זצ"ל איז געווען א באקאנטער מרביץ תורה און תלמיד חכם מופלג, ער האט געקענט א געוואלד און פארגעלערנט שיעורים פאר טויזענטער תלמידים, מחבר געווען ספרים נפלאים און געווען א ברייטע אדרעס לכל דורש ומבקש בכל קצוי התורה.
יארן לאנג האט ער משמש געווען ברבנות אין ביהמ"ד אגודת אחים אין בארא פארק, אויך האט ער פאר לאנגע יארן געדינט אלס ראש הכולל אין פאפא וואו ער איז געשטאנען אין שפיץ פון די בארימטע תורה אימפעריע מיט גרויס הצלחה.
די לוויה קומט פאר מארגן דינסטאג אינדערפרי ביי ביהמ"ד תולדות יצחק אין לעיקוואד, און דערנאך וועט ער קומען לקבורה אויפן בית החיים אין ניו דזשערזי חלקת קאסאן, נעבן זיין גרויסן פאטער זצ"ל.
דער רב זצ"ל לאזט איבער א שיינעם דור, חשובע קינדער תלמידי חכמים, זיין איינציגער ברודער כ"ק אדמו"ר מחוסט שליט"א פון בארא פארק, און איין שוועסטער הרבנית אשת חבר כ"ק אדמו"ר מסקאליע שליט"א.
