ליידער זעצט פאר די שרעקליכע מלחמה צווישן מדינת ישראל און איראן, ווען די מדינת ישראל מיליטער באמבאדירט העפטיג אין איראן מיט ציהל אונטערצוברענגען די נוקלעארע מעגליכקייטן פון איראן, ווען פון איראן שיסט מען אין גרויסן באאליסטישע מיסילס קיין ארץ ישראל וואס האט שוין ליידער געקאסט א גרויסע צאל קרבנות ה"י.
דורכאויס די נאכט האט איראן געשאסן א גרויסע באראדזש פון מיסילס, און ליידער האט עס באטראפן גרויסע געביידעס און צענטערן לענגאויס ארץ ישראל, און אין די היימישע שטעט ווי בני ברק, פתח תקוה, און חיפה. אין די פרדס כץ געגנט אין בני ברק איז געפאלן א ראקעט אויף א גרויסע שולע קאמפלעקס פאר ספעציעלע קינדער, גאר שווערע שאדן איז פארהאן אין רעזולטאט פון די אטאקע, און ליידער האט עס אויך געקאסט מענטשליכע קרבנות, אריינגערעכנט א איד מיטן נאמען אברהם כהן הי"ד.
דערנעבענדיגע הייזער און בתי מדרשים האבן אויך געליטן שאדן, און פילע איינוואוינער זענען געבליבן אן א דאך איבערן קאפ, אויך איז די אמעריקאנער אמבאסאדע אין תל אביב געשעדיגט געווארן פון די מיסיל באראדזש די נאכט.
ווי די באאמטע אין בני ברק זאגן זענען אלע פארוואונדעטע נישט געווען אין שעלטער, דעריבער דארף מען זעהן אויסצופאלגן די אנווייזונגען און זיך געפונען אין באשיצטע צימערן אין צייט פון אלערט.
